ഗുരുവായൂര്‍: ബ്രഹ്‌മംകുളം ശിവക്ഷേത്രത്തില്‍ ചൊവ്വാഴ്‌ച്ച ഇല്ലംനിറ ആഘോഷിച്ചു. മഹാഗണപതി ഹോമവും നടന്നു. മഹാഗണപതി ഹോമത്തിന് ക്ഷേത്രം തന്ത്രി പുലിയന്നൂര്‍ ശങ്കരനാരായണന്‍ നമ്പൂതിരിപ്പാട് മുഖ്യ കാര്‍മികത്വം വഹിച്ചു. ഇല്ലംനിറക്ക് ക്ഷേത്രം മേല്‍ശാന്തി അനന്തനാരായണന്‍ എമ്പ്രാന്തിരിയും മുഖ്യ കാര്‍മ്മികത്വം വഹിച്ചു.
നിരവധി ഭക്തജനങ്ങള്‍ പങ്കെടുത്തു. ക്ഷേത്ര നമസ്‌കാര മണ്ഡപത്തില്‍ ലക്ഷ്മീപൂജ നടത്തി ആദ്യ കതിര്‍ മഹാദേവന് ചാര്‍ത്തി. തുടര്‍ന്ന് പൂജിച്ച നെല്‍ക്കതിരുകള്‍ ഭക്തര്‍ക്ക് വിതരണം ചെയ്തു. ഇല്ലംനിറ ദര്‍ശിച്ച് സുകൃതം നേടാന്‍ നൂറുകണക്കിന് ഭക്തരും സന്നിഹിതരായി.
പ്രതികരിക്കാൻ ഇവിടെ എഴുതുക: