കാന്ബറ : വനിതാ ലോകകപ്പ് ഫൈനലില് ആദ്യമായി കടന്ന് സ്പെയിന് . ആവേശകരമായ സെമി ഫൈനലില് സ്പെയിന് സ്വീഡനെയാണ് കീഴടക്കിയത്. അവസാന 10 മിനുട്ടിലാണ് മൂന്ന് ഗോളുകള് വീണത്. 2-1 എന്ന സ്കോറിനാണ് സ്പെയിനന്റെ വിജയം.
ഇരുടീമുകളും ആവേശത്തോടെ കളിച്ച മത്സരത്തില് 80ാം മിനുട്ട് വരെ ഗോള് പിറന്നില്ല. 81ാം മിനുട്ടില് പരെയെലോയ സ്പെയിന് ലീഡ് നല്കി. എന്നാല് സ്വീഡന് 89ാം മിനുട്ടില് ബ്ലോംക്വിസ്റ്റിലൂടെ സമനില നേടി.
90ാം മിനുട്ടില് പെനാള്ട്ടി ബോക്സിന്റെ എഡ്ജില് നിന്ന് ഒള്ഗ കാര്മോണയുടെ സ്ട്രൈക്ക് സ്പെയിന് വിജയം സമ്മാനിച്ചു. ഫൈനലില് ഓസ്ട്രേലിയയോ ഇംഗ്ലണ്ടോ ആകും സ്പെയിനിന്റെ എതിരാളികള്. ഞായറാഴ്ചയാണ് ഫൈനല്.
