കോട്ടയം: യുവതലമുറ വൈദേശിക അടിമത്തത്തില്‍ നിന്ന് മോചിതരായിക്കൊണ്ടിരിക്കുന്നുവെന്ന് ആര്‍എസ്എസ് പ്രജ്ഞാപ്രവാഹ് ദേശീയ സംയോജക് ജെ.നന്ദകുമാര്‍. അതില്‍ നിന്ന് പൂര്‍ണ്ണമായും മോചനം നേടിക്കൊണ്ട്, പൗരാണിക സ്വത്വം വീണ്ടെടുക്കലാവണം യുവത്വത്തിന്റെ ലക്ഷ്യമെന്നും അദ്ദേഹം പറഞ്ഞു. യുവതലമുറ സ്വാതന്ത്ര്യസമര പോരാട്ടത്തിന്റെ പ്രേരണ എന്നും മനസ്സില്‍ സൂക്ഷിക്കണം.
ആയിരക്കണക്കിന് സ്വാതന്ത്ര്യസമര പോരാളികളുടെ ചോരയാണ് നമ്മള്‍ ഇന്ന് അനുഭവിക്കുന്ന സ്വാതന്ത്ര്യമെന്നും അദ്ദേഹം അഭിപ്രായപ്പെട്ടു. തിരുനക്കര ശിവശക്തി ഓഡിറ്റോറിയത്തില്‍ നടന്ന യുവചേതന യുവശക്തി സംഗമത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
വൈക്കം സത്യഗ്രഹ ശതാബ്ദി ആഘോഷ സമിതിയുടെ ആഭിമുഖ്യത്തില്‍ സംഘടിപ്പിച്ച പരിപാടിയില്‍ ആര്‍ഐടി മുന്‍ പ്രിന്‍സിപ്പാള്‍ ഡോ.എം.ജെ. ജലജ അധ്യക്ഷത വഹിച്ചു. ആര്‍എസ്എസ് കോട്ടയം ജില്ല സംഘചാലക് കേരള വര്‍മ പങ്കെടുത്തു.
പ്രതികരിക്കാൻ ഇവിടെ എഴുതുക: