ഫ്ളോറിഡ: ലീഗ്സ് കപ്പ് ക്വാര്ട്ടറില് ചാര്ലോറ്റിയെ കീഴടക്കി ലയണല് മെസ്സിയുടെ ഇന്റര് മിയാമി സെമിയില് കടന്നു. ബുധനാഴ്ച രാവിലെ നടക്കുന്ന സെമിയില് ഫിലാഡെല്ഫിയയുമായി ഏറ്റുമുട്ടും. എതിരില്ലാത്ത നാല് ഗോളിനാണ് മിയാമി ചാര്ലോറ്റിയെ തകര്ത്തത്.
കളിയുടെ 12-ാം മിനിറ്റ് മുതല് ഇന്റര്മിയാമി ഗോളടിക്കാന് തുടങ്ങി. പെനല്റ്റിയിലൂടെ ജോസഫ് മാര്ട്ടിനെസ് ടീമിനെ മുന്നിലെത്തിച്ചു. മെസി ഇക്കുറി അവസാനമാണ് സ്കോര് ചെയ്തത്.
32-ാം മിനിറ്റില് റോബര്ട്ട് ടെയ്ലര് ലീഡ് ഇരട്ടിപ്പിച്ചു. ഏകപക്ഷീയമായ രണ്ട് ഗോളിന്റെ ഇന്റര്മിയാമി ആധിപത്യത്തില് കളി സമനിലയ്ക്ക് പിരിഞ്ഞു.
രണ്ടാംപകുതിയുടെ 78-ാം മിനിറ്റില് ലഭിച്ച ദാനഗോളില് ഇന്റര് മിയാമി ലീഡ് മൂന്നായി ഉയര്ന്നു. കളിക്ക് 86 മിനിറ്റെത്തിയപ്പോഴായിരുന്നു മെസിയുടെ ഗോള്.
