കൊടുങ്ങല്ലൂര്‍: പട്ടാപകല്‍ നടുറോഡില്‍ കാര്‍ അടിച്ചുതകര്‍ത്ത കേസിലെ പ്രധാന പ്രതികളെ അറസ്റ്റു ചെയ്തു. പ്രതികള്‍ സഞ്ചരിച്ചിരുന്ന കാറിനെ മറികടന്നതിലുള്ള വിരോധത്താല്‍ കൊടുങ്ങല്ലൂര്‍ ചന്തപ്പുരയില്‍ വച്ച് പരാതിക്കാരും കൂട്ടരും സഞ്ചരിച്ചിരുന്ന കാര്‍ തടഞ്ഞുനിര്‍ത്തി കാര്‍ കരിങ്കല്ല് കൊണ്ട് എറിഞ്ഞ് തകര്‍ക്കുകയും, യാത്രക്കാരെ മര്‍ദ്ദിക്കുകയും ചെയ്ത കേസിലെ പ്രധാന പ്രതികളായ മതിലകം കൊട്ടേക്കാട്ട് മുഹമ്മദ് അനസ്, പാപ്പിനിവട്ടം പാമ്പിനേഴത്ത് ഇസ്മായില്‍ എന്നിവരാണ് അറസ്റ്റിലായത്.
ആഗസ്റ്റു 6 നാണ് കേസിനാസ്പദമായ സംഭവം നടന്നത്. കേസിലെ മറ്റ് 5 പ്രതികളെ നേരത്തെ അറസ്റ്റു ചെയ്തിരുന്നു. ഡിവൈഎസ്പി സലീഷ് എന്‍. എസിന്റെ നേതൃത്വത്തില്‍ ഇന്‍സ്‌പെക്ടര്‍ ബൈജു ഇ.ആര്‍. എസ്‌ഐ ഹരോള്‍ഡ് ജോര്‍ജ്, രവികുമാര്‍, ജോഷി എന്നിവര്‍ അന്വേഷണ സംഘത്തില്‍ ഉണ്ടായിരുന്നു.
പ്രതികരിക്കാൻ ഇവിടെ എഴുതുക: