തിരുവനന്തപുരം: സിപിഎം ആലപ്പുഴ സംസ്ഥാനസമ്മേളനത്തില് വിഎസ് അച്ചുതാനന്ദനെ വേശ്യാലയത്തിന്റെ കാവല് ക്കാരനെപ്പോലെ ഇരിക്കുന്നവന് എന്ന് മുഖത്ത് നോക്കി വിളിച്ച ചിന്താ ജറോമിന്റെ ഗണത്തിലാണ് എ കെ ബാലനും എന്ന് ജി ശക്തിധരന്. ചിന്താ ജറോമിന് പിന്നീട് നിരവധി സൗഭാഗ്യങ്ങല് കിട്ടി. പിഎച്ച്ഡി, നക്ഷത്രഹോട്ടലിലെ താമസം, വീണാ വിജയന്റെ തോഴിപ്പട്ടം…..ഇതെല്ലാം കാണുമ്പോള് ബാലന്റെ മനസ്സ് ഇളകിപ്പോകുന്നതില് അത്ഭുതമില്ല, ജി ശ്ക്തിധരന് ഫേസ് ബു്ക്കില് കുറിച്ചു.
ബാലന് ഉള്പ്പെട്ടിരുന്ന ദശലക്ഷക്കണക്കിന് ഏഴകള്ക്കു ഉരുക്കുമുഷ്ടി ചുരുട്ടി നെഞ്ച് വിരിച്ചു കായല്പ്രഭുക്കള്ക്കും ജന്മിമാര്ക്കും മുമ്പില് മുണ്ടും മാടിക്കുത്തി കാല്വെണ്ണപോലും ഉരുക്കുപോലെ വിരിയിച്ചു നടന്നവനെയാണ് സമ്മേളനത്തില് ഒരു പെണ്കീടത്തെ കൊണ്ടിരുത്തി വേശ്യാലയത്തിലെ കാവല്ക്കാരന് എന്ന് വിളിപ്പിച്ചത്. വയോവൃദ്ധരായ പലരുടെയും കണ്ണില് നിന്ന് അപ്പോള് കണ്ണീര് ഇറ്റിറ്റു വീണു. അപ്പോഴാണ് സ്വരാജിനും മദമിളകിയത്.
സഹികെട്ട് പ്രകാശ് കാരാട്ടിന്റെ മുഖത്ത് വിഹ്വലതയോടെ വിഎസ് നോക്കി ഇത്രമാത്രം പറഞ്ഞു: ‘ഇങ്ങിനെയാണോ പാര്ട്ടിയുടെ സംസ്ഥാനസമ്മേളനത്തില് പ്രതിനിധികള് ചര്ച്ചയില് പങ്കെടുക്കേണ്ടത്? പാര്ട്ടി കേന്ദ്രകമ്മിറ്റി അയച്ച സര്ക്കുലറില് ഇത്തരം വ്യക്തിഹത്യാ പ്രയോഗങ്ങള് അനുവദിക്കില്ലെന്ന് വ്യക്തമാക്കിയിട്ടുള്ളതല്ലേ ?’ കൂറ്റന് കല്ലില് കാറ്റുവന്നടിച്ചതുപോലെ ആ താതാത്വികാചാര്യന് അപ്പോള് അവിടെ ഇരുന്ന ഇരുപ്പുണ്ടല്ലോ അതൊന്നു സങ്കല്പ്പിച്ചുനോക്കൂ ,ഈ വിപ്ലവപാര്ട്ടി ഇന്ത്യയില് കെട്ടിപ്പടുത്തവനോടാണ് ഈ നേതാവ് ഈ നൃശംസത കാട്ടിയതെന്ന് മറക്കരുത്.
ആ കണ്ണുകള് അടയുമ്പോള് ഇതേ നേതാവ് എന്തൊക്കെ മഹത് വചനങ്ങള് കാണാപ്പാഠം പഠിച്ചുവെച്ചിട്ടുണ്ടാകും പറയാന് . ശക്തിധരന് ഫേസ് ബുക്കില് കുറിച്ചു
