അനധികൃതമായി മണ്ണെടുത്ത വാഹനങ്ങള്‍ പിടിച്ചെടുത്തു

എരുമപ്പെട്ടി: അനധികൃതമായി മണ്ണെടുപ്പ് നടത്തിയിരുന്ന വാഹനങ്ങള്‍ എരുമപ്പെട്ടി പൊലീസ് പിടികൂടി. 

കടങ്ങോട് പള്ളിമേപ്പുറത്ത് നിന്നാണ് മണ്ണെടുത്തിരുന്ന ഒരു ജെസിബിയും മണ്ണ് കടത്തിയിരുന്ന ഒരു ടിപ്പര്‍ ലോറിയും എസ്‌ഐ കെ.കെ. അനുദാസിന്റെ നേതൃത്വത്തില്‍ പൊലീസ് പിടികൂടിയത്. ഈ പ്രദേശത്ത് വ്യാപകമായ മണ്ണെടുപ്പ് നടക്കുന്നുണ്ടെന്നുള്ള വിവരത്തിന്റെ അടിസ്ഥാനത്തിലാണ് പൊലീസ് പരിശോധന നടത്തിയത്. സിവില്‍ പൊലീസ് ഓഫീസര്‍മാരായ മുഹമ്മദ് സ്വാലിഹ്, സുരേന്ദ്രന്‍ എന്നിവരും സംഘത്തിലുണ്ടായിരുന്നു.