അമൃത്‌സര്‍ (പഞ്ചാബ്): പഞ്ചാബില്‍ 12 കിലോ ഹെറോയിന്‍ പിടിച്ചെടുത്ത് പോലീസ്. സംഭവത്തില്‍ മൂന്ന് പേരെ അറസ്റ്റ് ചെയ്തു. ഇന്ന് രഹസ്യാന്വേഷണത്തിന്റെ അടിസ്ഥാനത്തില്‍ നടത്തിയ ഓപ്പറേഷനിലാണ് ലഹരിയുമായ സംഘത്തെ പിടികൂടാന്‍ സാധിച്ചതെന്ന് പോലീസ് വ്യക്തമാക്കി.
പ്രതികള്‍ പാകിസ്ഥാന്‍ കേന്ദ്രീകരിച്ചുള്ള കള്ളക്കടത്തുകാരുമായി ബന്ധപ്പെട്ടിരുന്നതായും, ഇവര്‍ ചരക്ക് എത്തിക്കാന്‍ പോകുകയാണ് പിടിയിലായതെന്നും പഞ്ചാബ് ഡിജിപിയുടെ ട്വീറ്റില്‍ വ്യക്തമാക്കുന്നു. നാര്‍ക്കോട്ടിക് ഡ്രഗ്‌സ് ആന്‍ഡ് സൈക്കോട്രോപിക് സബ്സ്റ്റന്‍സസ് (എന്‍ഡിപിഎസ്) ആക്ട് പ്രകാരം ലോപോക്ക് പോലീസ് സ്‌റ്റേഷനില്‍ എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്. കേസിലെ കൂടുതല്‍ ബന്ധങ്ങള്‍ കണ്ടെത്തുന്നതിന്റെ ഭാഗമായി അന്വേഷണം പുരോഗമിക്കുകയാണെന്നും പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: