ന്യൂദല്‍ഹി: പാര്‍ലമെന്റില്‍ കോണ്‍ഗ്രസ് നേതാവ് രാഹുല്‍ ഗാന്ധി നടത്തിയ ഫഌിംഗ് കിസിനെതിരെ പ്രതികരിച്ച് ബിജെപി ദേശീയ സെക്രട്ടറി അനില്‍ ആന്റണി.
എല്ലാ ദിവസവുമുള്ള തന്റെ പ്രവര്‍ത്തനങ്ങളിലൂടെ രാഹുല്‍ ഒരു തരത്തിലും പാര്‍ലമെന്റില്‍ ഇരിക്കാന്‍ അര്‍ഹനല്ലെന്ന് ഭാരതത്തിലെ ജനങ്ങളോട് കാണിക്കുകയാണ്. തന്റെ പെരുമാറ്റത്തിന് മാപ്പു പറയണമെന്ന് രാഹുല്‍ തയ്യാറാകണമെന്ന് അദേഹം പറഞ്ഞു. അത് എത്രയും പെട്ടന്നുതന്നെ ഉണ്ടാകണം. അഞ്ച് വര്‍ഷം മുമ്പും അവിശ്വാസ പ്രമേയം കൊണ്ടുവന്നിരുന്നു. അന്നും പ്രതീക്ഷിച്ച പോലെ തന്നെ നരേന്ദ്രമോദിയുടെ നേതൃത്വത്തിലുള്ള എന്‍ഡിഎയ്‌ക്ക് സമഗ്രമായ വിജയം ലഭിക്കുകയും ചെയ്തു.
എന്നാല്‍ അപ്പോഴും രാഹുല്‍ ഗാന്ധിയുടെ ശ്രദ്ധ നാടകാത്മക നിമിഷങ്ങള്‍ സൃഷ്ടിക്കാനായിരുന്നു. അന്ന് കണ്ണിറുക്കലുകളും ആലിംഗനങ്ങളും ആയിരുന്നു എന്ന വ്യത്യാസം മാത്രമെ ഉള്ളുവെന്നും അദേഹം കുറ്റപ്പെടുത്തി. കഴിഞ്ഞ ദിവസമാണ് രാഹുല്‍ ഗാന്ധി ലോക്‌സഭയില്‍ ബിജെപിയുടെ വനിത എംപിമാര്‍ക്കുനേരെ ഫഌിംഗ് കിസ് നല്‍കിയത്.
പ്രതികരിക്കാൻ ഇവിടെ എഴുതുക: