കൊല്ലം: കേരള എന്‍ജിഒ സംഘ് 44-ാം സംസ്ഥാന സമ്മേളനത്തിന് ഇന്ന് കൊല്ലത്ത് തുടക്കം. വീരശ്രീ വേലുത്തമ്പി നഗറില്‍ (സി. കേശവന്‍ മെമ്മോറിയല്‍ ടൗണ്‍ ഹാള്‍) 10, 11, 12 തീയതികളിലാണ് സമ്മേളനം.
ഇന്ന് രാവിലെ 10ന് വിഷയ നിര്‍ണയ സമിതി യോഗം, ഉച്ചയ്‌ക്ക് രണ്ടിന് ഭാരവാഹി യോഗം ബിഎംഎസ് ഡെപ്യൂട്ടി ജനറല്‍ സെക്രട്ടറി ശിവജി സുദര്‍ശനന്‍ ഉദ്ഘാടനം ചെയ്യും. സംസ്ഥാന വൈസ്പ്രസിഡന്റ് പി. പീതാംബരന്‍ അധ്യക്ഷനാകും.
നാളെ രാവിലെ 10.15ന് പ്രതിനിധി സമ്മേളനം കേന്ദ്രമന്ത്രി വി. മുരളീധരന്‍ ഉദ്ഘാടനം
ചെയ്യും. സംസ്ഥാന പ്രസിഡന്റ് ടി.എന്‍. രമേശ് അധ്യക്ഷനാകും. ഉച്ചയ്‌ക്ക് 12.30ന് വനിതാസമ്മേളനം തിരുവനന്തപുരം സംസ്‌കൃത കോളജ് അസിസ്റ്റന്റ് പ്രൊഫ. ഡോ. ലക്ഷ്മി വിജയന്‍ വി.ടി. ഉദ്ഘാടനം ചെയ്യും. സംസ്ഥാന വനിതാ സമിതി പ്രസിഡന്റ് പി. ആര്യ അധ്യക്ഷയാകും.
തുടര്‍ന്ന് നടക്കുന്ന സെമിനാര്‍ ബിഎംഎസ് സംസ്ഥാന പ്രസിഡന്റ് സി. ഉണ്ണികൃഷ്ണന്‍ ഉണ്ണിത്താന്‍ ഉദ്ഘാടനം ചെയ്യും. സംസ്ഥാന വൈസ് പ്രസിഡന്റ് പി.വി. മനോജ് അധ്യക്ഷനാകും. കേരളം നേരിടുന്ന സാമ്പത്തിക പ്രതിസന്ധിയും പരിഹാരവും എന്ന വിഷയത്തില്‍ ഡെപ്യൂട്ടി ജനറല്‍ സെക്രട്ടറി എസ്. രാജേഷ് വിഷയം അവതരിപ്പിക്കും. ഡോ. കെ.എസ്. രാധാകൃഷ്ണന്‍, സി. പി. ജോണ്‍, സജീവ് ചാത്തോത്ത് എന്നിവര്‍ പങ്കെടുക്കും. വൈകിട്ട് നാലിന് പൊതുസമ്മേളനം ബിഎംഎസ് ദക്ഷിണ ക്ഷേത്രീയ സഹ സംഘടനാ സെക്രട്ടറി എം.പി. രാജീവന്‍ ഉദ്ഘാടനം ചെയ്യും. സംസ്ഥാന വൈസ് പ്രസിഡന്റ് അനിതാ രവീന്ദ്രന്‍ അധ്യക്ഷയാകും.
12ന് രാവിലെ 8.30ന് സംസ്ഥാന കൗണ്‍സില്‍ യോഗം ആര്‍ആര്‍കെഎംഎസ് (രാഷ്‌ട്രീയ രാജ്യകാരി മഹാസംഘ്) ദേശീയ ഉപാധ്യക്ഷന്‍ പി. സുനില്‍കുമാര്‍ ഉദ്ഘാടനം ചെയ്യും. സംസ്ഥാന വൈസ് പ്രസിഡന്റ് ആര്‍. ശ്രീകുമാരന്‍ അധ്യക്ഷനാകും. സെക്രട്ടറി ബി.എസ്. രാജീവ് സംസാരിക്കും.
സംസ്ഥാന സെക്രട്ടറി സി. ബാബുരാജിന്റെ അധ്യക്ഷതയില്‍ ചേരുന്ന സുഹൃത് സമ്മേളനം ഫെറ്റോ സംസ്ഥാന പ്രസിഡന്റ് എസ്.കെ. ജയകുമാര്‍ ഉദ്ഘാടനം ചെയ്യും. കേരള മുന്‍സിപ്പല്‍ കോര്‍പ്പറേഷന്‍ സ്റ്റാഫ് സംഘ് കേരള എന്‍ജിഒ സംഘില്‍ ലയിക്കുന്ന ലയന പ്രഖ്യാപന സമ്മേളനവും നടക്കും.
സംസ്ഥാന കൗണ്‍സില്‍ യോഗത്തില്‍ സംഘടനാ പ്രമേയം അവതരിപ്പിക്കും. വൈകിട്ട് ഭാരവാഹികളെ തെരഞ്ഞെടുക്കും. സമാപന സമ്മേളനം ബിഎംഎസ് സംഘടനാ സെക്രട്ടറി കെ. മഹേഷ് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: