പഴയന്നൂര്‍: പ്രായപൂര്‍ത്തിയാകാത്ത കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ കേസില്‍ പഴയന്നൂര്‍ പോലിസ് പ്രതിയെ അറസ്റ്റ് ചെയ്തു. പഴയന്നൂരില്‍ ചായക്കച്ചവടം നടത്തുന്ന തെക്കേത്തറ വീട്ടില്‍ ചന്ദ്രന്‍ (61) നെയാണ് പഴയന്നൂര്‍ പോലീസ് അറസ്റ്റു ചെയ്തത്. കച്ചവടത്തിന് ശേഷം ബാക്കിവരുന്ന ചായ പ്രതിയുടെ ബസുവായ കുട്ടിക്ക് സ്ഥിരമായി കൊടുത്ത് അതുവഴി ചങ്ങാത്തം കൂടി കുട്ടിയെ പീഡിപ്പിക്കുകയായിരുന്നു.
പീഡനം സഹിക്കാന്‍ കഴിയാതെ വന്ന കുട്ടി മറ്റുള്ളവരോട് കാര്യം പറയുകയും അക്കാര്യം തൃശൂര്‍ സിറ്റി ജില്ലാ പോലീസ് മേധാവിയയെ അറിയിക്കുകയുമായിരുന്നു. കുന്നംകുളം അസി. കമ്മീഷണറുടെ നിര്‍ദേശപ്രകാരം പഴയന്നൂര്‍ സ്റ്റേഷന്‍ ഹൗസ് ഓഫീസര്‍ എബി എം.പി.യുടെ നേതൃത്വത്തില്‍ എസ്‌ഐമാരായ ആനന്ദ് ഡി. എസ്. അനില്‍കുമാര്‍ ഒ. പി., എഎസ്‌ഐ അബ്ദുല്‍ സലിം, സീനിയര്‍ സിവില്‍ പോലീസ് ഓഫീസര്‍മാരായ അജിത്ത്കുമാര്‍ സി. ആര്‍., അനൂപ് എസ്. നായര്‍, നളിനി എന്‍. ആര്‍., ഷെജീര്‍ ഇ., സിപിഒ മാരായ ശ്രീരാജ് എം.പി., ബാലു ബ്രഹ്‌മാനന്ദന്‍, റിഷാദ്, രേഖാ മോള്‍ എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.
