വീട്ടിലേക്ക് കാര്‍ കയറ്റവേ വലിയ ശബ്ദത്തോടെ പൊട്ടിത്തെറിച്ചു; തീപിടിച്ച് യുവാവിന് ദാരുണാന്ത്യം

മാവേലിക്കര: കാറിന് തീപിടിച്ച് യുവാവിന് ദാരുണാന്ത്യം. പുളിമൂട് ജ്യോതി വീട്ടില്‍ വാടകയ്‌ക്ക് താമസിക്കുന്ന കൃഷ്ണ പ്രകാശ് എന്ന കണ്ണന്‍ ആണ് മരിച്ചത്. 

ഇന്ന് പുലര്‍ച്ചെ 12.30 ന് ആണ് അപകടമുണ്ടായത്. കാര്‍ വീട്ടിലേക്ക് കയറ്റവേ വലിയ ശബ്ദത്തോടെ പൊട്ടിത്തെറിക്കുകയായിരുന്നു. മാവേലിക്കര ഗേള്‍സ് സ്‌കൂളിനു സമീപം കമ്പ്യൂട്ടര്‍ സ്ഥാപനം നടത്തിവരികയായിരുന്നു കൃഷ്ണ പ്രകാശ്. അവിവാഹിതനാണ്