ഹൈദരാബാദ്: കേരള സ്പീകര്‍ ഷംസീര്‍ ഗണപതി ഭഗവാനെ കുറിച്ച് നടത്തിയ വിവാദ പരാമര്‍ശത്തില്‍ പ്രതിഷേധം പ്രകടിപ്പിച്ചുകൊണ്ട് രാമ ധര്‍മ പ്രചാര സഭയുടെ നേതൃത്വത്തില്‍ ഹൈദാബാദ് ഇസിഐഎല്‍ കമലാനഗര്‍ അയ്യപ്പക്ഷേത്രത്തില്‍ നാമ ജപ യാത്രയും സമ്മേളനവും നടന്നു. ഭക്തജനങ്ങളുടെ വന്‍ പിന്തുണയോട് കൂടി നടന്ന പരിപാടികള്‍ ഗണപതി നടയില്‍ 108 തേങ്ങ ഉടച്ച് ആണ് ആരംഭിച്ചത്.
സമ്മേളനത്തെ അഭിസംബോധന ചെയ്തു കൊണ്ട് രാമ ധര്‍മ പ്രചാര സഭയുടെ വര്‍ക്കിംഗ് പ്രസിഡന്റ് ഡോ.കെ.പി. രഘുനാഥ് മേനോന്‍, രക്ഷാധികാരി അരമന ഉണ്ണികൃഷ്ണന്‍, കമലാനഗര്‍ അയ്യപ്പ ക്ഷേത്രം പ്രസിഡന്റ് കെ.കെ. വിജയന്‍, സെക്രട്ടറി എസ്. രാമചന്ദ്രന്‍ നായര്‍, മേട്ടുഗുട അയ്യപ്പ ക്ഷേത്രം ട്രഷറര്‍ വിനോദ് നമ്പ്യാര്‍, ബാലഗോകുലം ഭാഗ്യനഗര്‍ പ്രസിഡന്റ് മാധവന്‍ നമ്പൂതിരി, രഞ്ജിത്ത് ആര്‍ നായര്‍ എന്നിവര്‍ സംസാരിച്ചു. പരിപാടിക്ക് നന്ദി അറിയിച്ചു കൊണ്ട് വി.കെ. രാമചന്ദ്രന്‍ സംസാരിച്ചു.
പ്രതികരിക്കാൻ ഇവിടെ എഴുതുക: