പാലക്കാട്: വാളയാര് അണക്കെട്ടില് കുളിക്കുന്നതിനിടെ രണ്ട് കോളേജ് വിദ്യാര്ത്ഥികളെ കാണാതായി.കോയമ്പത്തൂര് ധനലക്ഷ്മി കോളേജ് വിദ്യാര്ത്ഥികളായ നാമക്കല് സ്വദേശി ഷണ്മുഖം, പൊള്ളാച്ചി സ്വദേശി തിരുപ്പതി എന്നിവരെയാണ് കാണാതായത്.
അണക്കെട്ടിലെ തമിഴ്നാട് ഭാഗത്തുള്ള മാവുത്താംപടിയില് ഞായറാഴ്ച ഉച്ചയ്ക്ക് ഒരു മണിയോടെയാണ് അപകടമുണ്ടായത്. അവധി ദിവസം ആഘോഷിക്കാനെത്തിയ വിദ്യാര്ത്ഥി സംഘത്തിലെ മൂന്ന് പേരാണു അപകടത്തില്പ്പെട്ടത്.
മൂന്നു പേര് ഒഴുക്കില്പ്പെട്ടെങ്കിലും ഒരാള് രക്ഷപ്പെട്ടു. ഇയാള് നല്കിയ വിവരപ്രകാരമാണ് വാളയാര് പൊലീസും കഞ്ചിക്കോട് അഗ്നിരക്ഷാ സേനയും തെരച്ചില് നടത്തുന്നത്.
