മലപ്പുറം: അന്യസംസ്ഥാനക്കാരിയായ നാലുവയസുകാരിയെ പീഡിപ്പിച്ച സംഭവത്തില്‍ പ്രതിയെ ബാലിക തിരിച്ചറിഞ്ഞു. സംഭവത്തില്‍ പ്രതിയായ മധ്യപ്രദേശ് സ്വദേശിയുടെ അറസ്റ്റ് കേരള പൊലീസ് രേഖപ്പെടുത്തി. പീഡിപ്പിച്ചയാളുടെ ഫോട്ടോ ബാലിക തിരിച്ചറിയുകയായിരുന്നു.
കുട്ടി പ്രതിയെ തിരിച്ചറിഞ്ഞതിനെ തുടര്‍ന്നാണ് അറസ്റ്റ് രേഖപ്പെടുത്തിയത്.ശീതള പാനീയം നല്‍കി ബാലികയെ പ്രലോഭിപ്പിച്ച് കൂട്ടിക്കൊണ്ടു പോയി പീഡിപ്പിക്കുകയായിരുന്നു.കഴിഞ്ഞ ദിവസം വൈകിട്ട് ചേളാരിയിലായിരുന്നു സംഭവം.
ഇതര സംസ്ഥാന തൊഴിലാളികള്‍ കൂട്ടമായി താമസിക്കുന്ന പ്രദേശത്താണ് സംഭവമുണ്ടായത്. പീഡിപ്പിക്കപ്പെട്ട നാല് വയസുകാരിയുടെ മാതാപിതാക്കളുടെ സുഹൃത്താണ് പ്രതി. കുട്ടി പ്രതിയുടെ താമസസ്ഥലത്ത് നിന്ന് കരഞ്ഞ് കൊണ്ട് ഇറങ്ങിവരുന്നത് കണ്ട മാതാപിതാക്കളുടെ അന്വേഷണത്തിലാണ് പീഡന വിവരം അറിഞ്ഞത്. തുടര്‍ന്ന് തിരൂരങ്ങാടി പൊലീസില്‍ അറിയിക്കുകയായിരുന്നു.
കുട്ടിയുടെ മാതാപിതാക്കളും ഇതര സംസ്ഥാന തൊഴിലാളികളാണ്.
പ്രതികരിക്കാൻ ഇവിടെ എഴുതുക: