ചെറുതുരുത്തി: നീന്തല് പരിശീലിക്കുന്നതിനിടെ കുളത്തില് മുങ്ങി മരിച്ച ചെറുതുരുത്തി ഗവ. ഹയര് സെക്കന്ഡറി സ്കൂളിലെ 10 ാം ക്ലാസ് വിദ്യാര്ത്ഥി ഇസ്മയിലിന് യാത്രാമൊഴി നല്കി അധ്യാപകരും, വിദ്യാര്ത്ഥികളും.ഉച്ചതിരിഞ്ഞ് ചെറുതുരുത്തി സ്കൂളില് പൊതുദര്ശനത്തിന് വച്ച മൃതദേഹത്തില് അധ്യാപകരും സഹപാഠികളും അന്ത്യോപചാരമര്പ്പിച്ചു.
കഴിഞ്ഞദിവസം വൈകിട്ടായിരുന്നു ഏവര്ക്കും വേദനയുണ്ടാക്കിയ അപകടം നടന്നത്. പുതുശ്ശേരി കോരാംപള്ളം പഞ്ചായത്ത് കുളത്തില് കൂട്ടുകാരുമൊത്ത് നീന്തല് പരിശീലിക്കുന്നതിനിടെ കുളത്തിലെ ആഴങ്ങളിലേക്ക് മുങ്ങിപ്പോയ കുട്ടിയെ ഷൊര്ണൂരില് നിന്നും ഫയര്ഫോഴ്സ് എത്തിയാണ് പുറത്തെടുത്തത്. ഉടന് തന്നെ സമീപത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. പുതുശ്ശേരി സ്വദേശി ചെറൂളിയില് വീട്ടില് മുസ്തഫയുടെ മകനാണ് മരിച്ച ഇസ്മയില്.
