കൊളൊംബോ: ശ്രീലങ്കന് അത്ലറ്റിക്സ് ദേശീയ ചാമ്പ്യന്ഷിപ്പ് 2023-ന്റെ രണ്ടാം ദിനമായ ഇന്നലെ മൂന്ന് സ്വര്ണവും ഒരു വെള്ളിയുമായി ഇന്ത്യന് അത്ലറ്റുകള് നാല് മെഡലുകള് നേടി. വനിതകളുടെ 3000 മീറ്റര് സ്റ്റീപ്പിള് ചേസില് പ്രീതി ലാംബ സ്വര്ണം നേടി. പ്രീതി 10:13.06 സെക്കന്ഡിലാണ് ഒന്നാമതെത്തിയത്.
പുരുഷന്മാരുടെ 3000 മീറ്റര് സ്റ്റീപ്പിള് ചേസ് ഫൈനലില് ബാല് കിഷന് ഒന്നാമതെത്തി. 8:51.34 സെക്കന്ഡാണ് ബാല് കിഷന് കുറിച്ചത്.
വനിതകളുടെ 400 മീറ്ററില് സോണിയ ബൈഷ്യയും സ്വര്ണം നേടി. ഇതേ ഇനത്തില് ജിസ്ന മാത്യു വെളളി നേടി. സോണിയ ബൈഷ്യ 53.46 സെക്കന്ഡില് ഫിനിഷ് ചെയ്തപ്പോള് ജിസ്ന മാത്യു 53.75 സെക്കന്ഡില് ഓടിയെത്തി.
101-ാമത് ശ്രീലങ്കന് അത്ലറ്റിക്സ് ദേശീയ മത്സരത്തില് ഇന്ത്യക്കാരെ കൂടാതെ മാലിദ്വീപില് നിന്നുള്ള അത്ലറ്റുകളും പങ്കെടുക്കുന്നുണ്ട്
