നടന് സഞ്ജയ് ദത്ത് ശനിയാഴ്ച 64 ാം ജന്മ ദിനം ആഘോഷിച്ചു.പൂക്കളും കേക്കുകളും സമ്മാനങ്ങളുമായി താരത്തിന്റെ വീടിന് പുറത്ത് ഒത്തുകൂടിയാണ് ആരാധകര് അദ്ദേഹത്തിന്റെ ജന്മദിനം ആഘോഷിച്ചത്.
വീടിന് പുറത്ത് ആരാധകരെ കാണുകയും ചെയ്തു താരം. വെള്ള നിറത്തിലുള്ള കുര്ത്തയും പൈജാമയും ധരിച്ചെത്തിയ താരം കൈകള് കൂപ്പി ആരാധകരെ അഭിവാദ്യം ചെയ്യുന്ന ഫോട്ടോകള് പുറത്തുവന്നു.
ജന്മദിനത്തില് താരത്തിന്റെ ഭാര്യ മാന്യത ദത്ത് ഹൃദയസ്പര്ശിയായ ഒരു കുറിപ്പ് സമൂഹ മാധ്യമത്തില് പോസ്റ്റ് ചെയ്തു. വിവിധ വര്ഷങ്ങളില് ക്ലിക്കുചെയ്ത ദമ്പതികളുടെയും കുടുംബത്തിന്റെയും നിരവധി ഫോട്ടോകളോടൊപ്പമാണ് പോസ്റ്റ്.
”എനിക്കുവേണ്ടി നിങ്ങള് ചെയ്യുന്ന എല്ലാ കാര്യങ്ങളെയും അഭിനന്ദിക്കാന് വാക്കുകള് മതിയാകില്ല.നിങ്ങള്ക്ക് ഒരു അത്ഭുതകരമായ വര്ഷം മുന്നോട്ട് വരട്ടെ. നിങ്ങളുടെ സുന്ദരമായ ജീവിതത്തിന്റെ ഭാഗമാകാന് കഴിഞ്ഞതില് അനുഗ്രഹിക്കപ്പെട്ടതായി തോന്നുന്നു, അനുഗ്രഹീതനായി തുടരുക. ”- മാന്യത കുറിച്ചു
ഈ പോസ്റ്റിനോട് പ്രതികരിച്ചുകൊണ്ട്, സഞ്ജയ്-മാന്യത ദമ്പതികളുടെ ഇരട്ടക്കുട്ടികളായ ഷഹ്റാനും ഇഖ്റയും റെഡ് ഹാര്ട്ട് ഇമോജികള് കമന്റ് സെക്ഷനില് ഇട്ടു. സഞ്ജയുടെ സഹോദരി പ്രിയ ദത്തും ആശംസകള് നേര്ന്ന് പഴയ ഫോട്ടോകള് പങ്കുവച്ചു.
64ാം ജന്മദിനത്തില്, സഞ്ജയ് ദത്ത് തന്റെ അടുത്ത സിനിമയായ ഡബിള് ഐസ്മാര്ട്ട് പ്രഖ്യാപിച്ചു.
