റാഞ്ചി: ജാര്‍ഖണ്ഡില്‍ സിപിഎം സംസ്ഥാന കമ്മിറ്റി അംഗം സുഭാഷ് മുണ്ടയെ റാഞ്ചിയിലെ ദലാദലി മേഖലയില്‍ അജ്ഞാതര്‍ വെടിവച്ചു കൊന്നു. ബുധനാഴ്ച രാത്രി എട്ടുമണിയോടെയാണ് സംഭവം. ഓഫീസില്‍ ഇരിക്കുകയായിരുന്ന ഇയാളെ ബൈക്കിലെത്തിയ അക്രമികള്‍ വെടിവെച്ച് കൊലപ്പെടുത്തുകായിരുന്നെന്ന് റൂറല്‍ റേഞ്ച് എസ്പി നൗഷാദ് ആലം പറഞ്ഞു.
ബുധനാഴ്ച രാത്രി 8 മണിയോടെ ബൈക്കുകളില്‍ മൂന്ന് പേര്‍ മുണ്ടയുടെ ഓഫീസിലേക്ക് വന്നു. രണ്ട് അക്രമികള്‍ ഓഫീസിനുള്ളില്‍ കയറി വെടിയുതിര്‍ക്കുകയായിരുന്നു. പരേതന്‍ മരണത്തിന് കീഴടങ്ങി. ‘ഞങ്ങള്‍ ഇതിനകം ഒരു പ്രത്യേകസംഘം രൂപീകരിച്ചിട്ടുണ്ട്, പോലീസ് ഈ കേസ് വളരെ ഗൗരവമായി കാണുന്നു. സാധ്യമായ എല്ലാ കോണുകളില്‍ നിന്നും ഞങ്ങള്‍ ഇത് അന്വേഷിക്കുന്നു, കുറ്റവാളികളെ ഉടന്‍ അറസ്റ്റ് ചെയ്യുമെന്നും എസ്പി പറഞ്ഞു. കൊലപാതകത്തെ തുടര്‍ന്ന് പാര്‍ട്ടി പ്രവര്‍ത്തകര്‍ ഉടനടി പ്രതിഷേധവുമായി ദലാദലിലെ പ്രധാന റോഡ് സ്തംഭിച്ചു. കൊലയാളിയെ ഉടന്‍ അറസ്റ്റ് ചെയ്യണമെന്ന് അവര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: