ന്യൂദല്ഹി: അനന്തപുരി എഫ്എം നിര്ത്താനുള്ള തീരുമാനം പിന്വലിക്കണമെന്നാവശ്യപ്പെട്ട് കേന്ദ്രമന്ത്രി വി. മുരളീധരന്, വാര്ത്താവിനിമയ പ്രക്ഷേപണ മന്ത്രി അനുരാഗ് സിങ് താക്കൂറുമായി കൂടിക്കാഴ്ച നടത്തി. 45 ലക്ഷം ശ്രോതാക്കളുള്ള എഫ്എം നിലനിര്ത്തണമെന്ന ശ്രോതാക്കളുടെ വികാരം വി. മുരളീധരന് കേന്ദ്രമന്ത്രിയുടെ ശ്രദ്ധയില്പ്പെടുത്തി. ഏറെ സ്വീകാര്യതയുള്ള എഫ്എം സ്റ്റേഷന് പുനരാരംഭിക്കണമെന്ന നിര്ദേശങ്ങളും പരാതികളും അനുഭാവപൂര്വം മന്ത്രാലയം പരിഗണിക്കുമെന്ന് ഉറപ്പ് ലഭിച്ചെന്നും കൂടിക്കാഴ്ചയ്ക്ക് ശേഷം മന്ത്രി പറഞ്ഞു.
ഒരു വിനോദ മാധ്യമത്തിന് അപ്പുറം മലയാള ഭാഷയെയും സംസ്കാരത്തെയും പോഷിപ്പിച്ച് നിര്ത്തുന്ന അനന്തപുരി എഫ്എം തലസ്ഥാന ജനതയുടെ നിത്യജീവിതവുമായി ഇഴ ചേര്ന്ന് നില്ക്കുന്നതാണെന്ന് മന്ത്രിയെ ധരിപ്പിക്കാനായെന്നും വി. മുരളീധരന് പറഞ്ഞു.
