കൊല്‍ക്കൊത്ത: മണിപ്പൂരിന് സമാനമായ സംഭവം ബംഗാളിലും നടന്നുവെന്ന് പൊട്ടിക്കരഞ്ഞ് ബിജെപി എംപി ലോകേത് ചാറ്റര്‍ജി. “പെണ്‍കുട്ടിയുടെ തുണിയുരിച്ച് കളഞ്ഞ് റോഡിലൂടെ നടത്തിച്ചു”- ബംഗാളില്‍ ഈയിടെ നടന്ന പഞ്ചായത്ത്തെരഞ്ഞെടുപ്പ് കാലത്ത് തൃണമൂല്‍ ഗുണ്ടകള്‍ കാണിച്ച ക്രൂരതകള്‍ എണ്ണിപ്പറയുമ്പോള്‍ ലോകേത് ചാറ്റര്‍ജി പൊട്ടിക്കരഞ്ഞു.
വെള്ളിയാഴ്ച വിളിച്ചുചേര്‍ത്ത വാര്‍ത്താസമ്മേളനത്തിലായിരുന്നു ലോകേത് ചാറ്റര്‍ജിയുടെ ഈ പ്രതികരണം. മണിപ്പൂരില്‍ നടന്ന സംഭവത്തെ അപലപിച്ച ശേഷമായിരുന്നു ലോകേത് ചാറ്റര്‍ജി ബംഗാളിന്റെ കാര്യം എടുത്തിട്ടത്. അതോടെ നിയന്ത്രണം വിട്ട ലോകേത് ചാറ്റര്‍ജി പൊട്ടിക്കരയുകയായിരുന്നു.
മുഖ്യമന്ത്രി മമത ബാനര്‍ജി രക്തസാക്ഷി ദിനം ആഘോഷിക്കുമ്പോഴാണ് സ്ത്രീകളെ തുണിയുരിച്ച് ബംഗാളില്‍ തൃണമൂല്‍ ഗുണ്ടകള്‍ നടത്തിച്ചത്. “മണിപ്പൂരില്‍ സംഭവിച്ച അതേ സംഭവം ബംഗാളിലും നടന്നിരുന്നു.”- പിന്നീട് നടത്തിയ വാര്‍ത്താസമ്മേളനത്തില്‍ ബിജെപി ബംഗാള്‍ അധ്യക്ഷന്‍ സുകാന്ത മജുംദാര്‍ പറഞ്ഞു
പ്രതികരിക്കാൻ ഇവിടെ എഴുതുക: