ന്യൂദല്‍ഹി: ഉത്തര്‍പ്രദേശിലെ സുഹേല്‍ദേവ് ഭാരതീയ സമാജ് പാര്‍ട്ടി എന്‍ഡിഎയില്‍ ചേരും. പാര്‍ട്ടി ദേശീയ അധ്യക്ഷന്‍ ഓം പ്രകാശ് രാജ്ഭര്‍ എന്‍ഡിഎ പ്രവേശനം പ്രഖ്യാപിച്ചു. സാമൂഹ്യനീതി, രാജ്യത്തിന്റെ സംരക്ഷണം, സുരക്ഷ, സദ്ഭരണം, ദളിതര്‍, അടിച്ചമര്‍ത്തപ്പെട്ടവര്‍, പിന്നാക്കക്കാര്‍, സ്ത്രീകള്‍, കര്‍ഷകര്‍, യുവജനങ്ങള്‍, എല്ലാ ദുര്‍ബല വിഭാഗങ്ങളുടെയും സംരക്ഷണത്തിനായി ബിജെപി നേതൃത്വം നല്കുന്ന എന്‍ഡിഎയുമായി ഒരുമിച്ച് പോരാടുമെന്നും ഓംപ്രകാശ് ട്വീറ്റ് ചെയ്തു.
കഴിഞ്ഞ ദിവസം കേന്ദ്ര ആഭ്യന്തരമന്ത്രി അമിത് ഷായുമായി രാജ്ഭര്‍ കൂടിക്കാഴ്ച നടത്തിയിരുന്നു. 2024ലെ ലോക്‌സഭാ തെരഞ്ഞെടുപ്പില്‍ ഒരുമിച്ച് മത്സരിക്കുമെന്നും അദ്ദേഹം പറഞ്ഞു. പാര്‍ശ്വവത്കരിക്കപ്പെട്ട സമൂഹത്തിന്റെ വികസനത്തിനായാണ് പ്രധാനമന്ത്രി നരേന്ദ്ര മോദിയും അമിത് ഷായും യുപി മുഖ്യമന്ത്രി യോഗി ആദിത്യനാഥും പ്രവര്‍ത്തിക്കുന്നതെന്ന് അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: