പുതുക്കാട്: പാലാഴി സ്വാമി ആഗമാനന്ദ ബാലസദനത്തിന്റെ പുതിയ മന്ദിര സമര്‍പ്പണം 16 ന് നടക്കും. രാവിലെ 11 ന് മുതിര്‍ന്ന പ്രചാരകന്‍ എസ്. സേതുമാധവന്‍ ഉദ്ഘാടനവും ഉപഹാര സമര്‍പ്പണവും നിര്‍വഹിക്കും.
സഞ്ജീവനി സമിതി പ്രസിഡന്റ് കെ.ജി. അച്ചുതന്‍ അധ്യക്ഷത വഹിക്കും. കൊച്ചിന്‍ ഷിhdയാര്‍ഡ് ചെയര്‍മാന്‍ മധു എസ്. നായര്‍ മുഖ്യാതിഥിയായിരിക്കും. പുറനാട്ടുകര ശ്രീരാമകൃഷ്ണ മഠത്തിലെ സദ്ഭവാനന്ദ സ്വാമികള്‍ അനുഗ്രഹ പ്രഭാഷണം നടത്തും.
സഞ്ജീവനി സമിതി സെക്രട്ടറി കെ.പി. ഗോപാലകൃഷ്ണന്‍, ട്രഷറര്‍ പി.ജി. ശശികുമാര്‍, ഡോ. പി.കെ. വിശ്വനാഥന്‍, ആന്റണി ജഷിന്‍ ചാണ്ടി, വിഷ്ണു നമ്പൂതിരി, ചെമ്പാല പരമേശ്വരന്‍, ദീപ്തി മുരളീധരന്‍, കെ.ആര്‍. ദേവദാസ് തുടങ്ങിയവര്‍ സംസാരിക്കും. 40 കുട്ടികളെ സംരക്ഷിക്കുന്നതിനായി രണ്ട് കോടി രൂപ ചിലവില്‍ 8500 ചതുരശ്ര അടി വിസ്തീര്‍ണത്തിലാണ് ബാലസദനത്തിന്റെ നിര്‍മാണം.
പ്രതികരിക്കാൻ ഇവിടെ എഴുതുക: