മുംബൈ: ചന്ദ്രനിലേക്ക് പര്യവേക്ഷണ പേടകം അയക്കുന്ന ചന്ദ്രയാന്‍ 3 ദൗത്യത്തോട് അനുബന്ധിച്ച് ഐഎസ് ആര്‍ഒയെയും ശാസ്ത്രജ്ഞരെയും അഭിനന്ദിച്ച് ബോളിവുഡ് താരങ്ങളായ അക്ഷയ് കുമാറും സുനില്‍ ഷെട്ടിയും അനുപം ഖേറും. വെള്ളിയാഴ്ച ഉച്ചയ്‌ക്ക് വിക്ഷേപണം നടക്കുന്നതിന് മുന്‍പും താരങ്ങള്‍ ഐഎസ് ആര്‍ഒയെയും ശാസ്ത്രജ്ഞരെയും ആശംസകള്‍ അറിയിച്ചിരുന്നു.
“ജംണ്ഡാ ഊംചാ രഹേ ഹമാരാ”….എന്നാണ് അനുപം ഖേര്‍ ട്വിറ്ററില്‍ കുറിച്ചത്.
“ഉയര്‍ത്തെഴുന്നേല്‍ക്കാന്‍ സമയമായി…ഐഎസ്ആര്‍ഒയിലെ മുഴുവന്‍ ശാസ്ത്രജ്ഞര്‍ക്കും നന്മകള്‍ നേരുന്നു. നിങ്ങള്‍ക്ക് വേണ്ടി കോടിക്കണക്കിന് ഹൃദയങ്ങള്‍ പ്രാര്‍ത്ഥിക്കുന്നു.”- അക്ഷയ് കുമാര്‍ എഴുതി.
മാത്രമല്ല, ചന്ദ്രയാന്‍ 2ന്റെ സോഫ്റ്റ്ലാന്‍റിംഗില്‍ വന്ന പിഴവിനെ തള്ളിക്കളഞ്ഞുകൊണ്ട് ശാസ്ത്രജ്ഞര്‍ക്ക് ആവേശം പകര്‍ന്ന് അക്ഷയ് കുമാര്‍ ഇത്ര കൂടി കുറിച്ചു “പരീക്ഷണമില്ലാതെ ശാസ്ത്രമില്ല. ചിലപ്പോള്‍ നമ്മള്‍ ജയിക്കും. ചിലപ്പോള്‍ നമ്മള്‍ പഠിയ്‌ക്കും. ഐഎസ് ആര്‍ഒയിലെ പ്രതിഭാശാലികള്‍ക്ക് വന്ദനം. “
“ചന്ദ്രനോളം എത്തുന്ന ആവേശത്തിരയാണ്. ചന്ദ്രയാന്‍ 3ന് അഭിനന്ദനം. ഇന്ത്യയുടെ സാങ്കേതിക ശക്തി പുതിയ ഉയരങ്ങളിലേക്ക് കുതിക്കുന്നത് കാണാന്‍ ഇനിയും ക്ഷമയില്ല. യാത്ര സുഗമമാകട്ടെ.”- സുനില്‍ ഷെട്ടി കുറിച്ചു.
ഐഎസ് ആര്‍ഒ എന്നെഴുതിയ തൊപ്പി ധരിച്ചുള്ള സ്വന്തം ഫോട്ടോ പങ്കുവെച്ചാണ് നടന്‍ രിതേഷ് ദേശ്മുഖ് ശാസ്ത്രജ്ഞരെ അഭിനന്ദിച്ചത്.
