തൃശൂര്‍: പൗരസ്ത്യ കല്‍ദായ സുറിയാനി സഭ കേന്ദ്ര വിമണ്‍ യൂത്ത്‌സ് അസോ. ലോക പേപ്പര്‍ ബാഗ് ദിനത്തില്‍ കുരിയച്ചിറ മാര്‍ തിമോഥെയോസ് ഹൈസ്‌കൂള്‍ വിദ്യാര്‍ത്ഥികള്‍ക്കായി പേപ്പര്‍ ബാഗ് നിര്‍മാണ വര്‍ക്ക്‌ഷോപ്പ് സംഘടിപ്പിച്ചു.
മണ്ണില്‍ വിഘടിക്കാന്‍ നൂറുകണക്കിന് വര്‍ഷങ്ങള്‍ എടുക്കുന്ന പ്ലാസ്റ്റിക് ബാഗുകള്‍ മാറ്റി പകരം പേപ്പര്‍ ബാഗുകള്‍ ഉപയോഗിച്ച് പ്രകൃതി സംരക്ഷണത്തില്‍ കൈകോര്‍ക്കാന്‍ വളര്‍ന്നുവരുന്ന വിദ്യാര്‍ത്ഥികളെ പ്രോത്സാഹിപ്പിക്കുന്നതിനും ഒപ്പം വിദ്യാര്‍ത്ഥികളെ ചെറിയൊരു കൈത്തൊഴില്‍ അഭ്യസിപ്പിക്കുക എന്ന ലക്ഷ്യത്തോടെയുമായിരുന്നു പരിപാടി.
അംഗങ്ങള്‍ നിര്‍മിച്ച പേപ്പര്‍ ബാഗുകള്‍ ജനറല്‍ സെക്രട്ടറി ഫെബി കെവിന്‍ പ്രധാനധ്യാപിക ബെന്‍സി മാത്യുവിന് നല്‍കി വര്‍ക്ക്‌ഷോപ്പ് ഉദ്ഘാടനം ചെയ്തു. വിമണ്‍ യൂത്ത്‌സ് അസോ. അംഗങ്ങളായ പ്രിയ സജി, ബ്ലെസി ബിജു, അനു മാത്യുസ്, സുസ്മി ടിന്റോ, നവ്യ ആല്‍ഫ്രഡ് എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: