കോട്ടയം: വൈക്കം സത്യഗ്രഹത്തിന്റെ ശതാബ്ദി ആഘോഷങ്ങളുടെ ഭാഗമായി കേരള സാഹിത്യ അക്കാദമി 15ന് ഏകദിന സെമിനാര് സംഘടിപ്പിക്കുന്നു. വൈക്കം സത്യഗ്രഹ സ്മാരകമന്ദിരത്തില് രാവിലെ 10ന് നടക്കുന്ന പരിപാടി മന്ത്രി വി.എന്. വാസവന് ഉദ്ഘാടനം ചെയ്യും. കേരള സാഹിത്യ അക്കാദമി അധ്യക്ഷന് സച്ചിദാനന്ദന് അധ്യക്ഷത വഹിക്കും. സി.കെ. ആശ എംഎല്എ മുഖ്യാതിഥിയാവും. കേരള സാഹിത്യ അക്കാദമി ഉപാധ്യക്ഷന് അശോകന് ചരുവില് മുഖ്യപ്രഭാഷണം നടത്തും.
ഉച്ചയ്ക്ക് 1.30ന് വൈക്കം സത്യഗ്രഹത്തിന്റെ സ്വാധീനം മലയാളസാഹിത്യത്തില് എന്ന വിഷയത്തില് സെമിനാര് നടക്കും. ആലങ്കോട് ലീലാകൃഷ്ണന് അധ്യക്ഷത വഹിക്കും. ഡോ. അജയ്ശേഖര്, പ്രൊഫ. കെ.കെ. സുലോചന എന്നിവര് പ്രഭാഷണങ്ങള് നടത്തും. വൈകുന്നേരം 3.30 മുതല് വൈക്കം സത്യഗ്രഹവും സാമൂഹ്യപരിവര്ത്തനവും എന്ന വിഷയത്തില് സെമിനാര് നടക്കും. ജില്ലാ ലൈബ്രറി കൗണ്സില് സെക്രട്ടറി അഡ്വ.എന്. ചന്ദ്രബാബു അധ്യക്ഷത വഹിക്കും. സുനില് പി.ഇളയിടം, എം.ജി. രാധാകൃഷ്ണന് എന്നിവര് പ്രഭാഷണങ്ങള് നടത്തും.
