അമ്പലപ്പുഴ: അമ്പലപ്പുഴ ശ്രീകൃഷ്ണസ്വാമി ക്ഷേത്രത്തില്‍ സ്വര്‍ണ ഉരുളിയും, 3 വെള്ളി ഉരുളികളും സമര്‍പ്പിച്ചു.
ആലുവ സ്വദേശിയായ ഭക്തനാണ് ഇവ സമര്‍പ്പിച്ചത്. കഴിഞ്ഞ ദേവപ്രശ്‌നത്തില്‍ ഭഗവാന് സ്വര്‍ണ ഉരുളിയിലും, മുളയറ ഭഗവതി, ശിവന്‍, ഗുരുവായൂര്‍ കൃഷ്ണന്‍ എന്നിവര്‍ക്ക് വെള്ളി ഉരുളികളിലും നിവേദ്യം നേദിക്കണം എന്ന് പറഞ്ഞിരുന്നു.വിവരം അറിഞ്ഞ് ആലുവ സ്വദേശിയായ ഭക്തന്‍ ഞായറാഴ്ച വൈകിട്ട് നട തുറന്നപ്പോള്‍ 151 ഗ്രാം തൂക്കം വരുന്ന സ്വര്‍ണ ഉരുളിയില്‍ നെയ്യ് നിറച്ചും, 508 ഗ്രാം തൂക്കമുള്ള മൂന്ന് ഉരുളികളില്‍ കദളിപ്പഴവും നടയില്‍ വെച്ചു. ക്ഷേത്രം തന്ത്രി ദാമോദരന്‍ തിരുമേനി, മേല്‍ശാന്തി യദു കൃഷ്ണന്‍, എ.ഒ വിമല്‍ കുമാര്‍ എന്നിവരും സന്നിഹിതരായിരുന്നു.
പ്രതികരിക്കാൻ ഇവിടെ എഴുതുക: