അഹമ്മദാബാദ് : അപകീര്ത്തിക്കേസ് കോടതി വിധിക്കെതിരെയുള്ള ഹര്ജിയില് രാഹുല് ഗാന്ധി ഗുജറാത്ത് ഹൈക്കോടതിയില് ഏറ്റുവാങ്ങിയത് രൂക്ഷ വിമര്ശനം. രാഹുല് തെറ്റുകള് സ്ഥിരമായി ആവര്ത്തിക്കുന്നുവെന്ന നിരീക്ഷണത്തോടെയാണ് ഗുജറാത്ത് ഹൈക്കോടതി സുറത്ത് കോടതിയുടെ വിധി നിലനില്ക്കുമെന്ന് അറിയിച്ചത്. ജസ്റ്റിസ് ഹേമന്ത് പ്രചകാണ് ഹര്ജി പരിഗണിച്ചത്.
രാഹുലിന്റെ പ്രസ്താവനകളില് വിവിധ കോടതികളില് കേസ് രജിസ്റ്റര് ചെയ്തിട്ടുണ്ട്. സവര്ക്കറിനെതിരെ കേംബ്രിജില് നടത്തിയ പരാമര്ശത്തില് അദ്ദേഹത്തിന്റെ കൊച്ചുമകന് പൂനെ കോടതിയില് പരാതി നല്കിയിട്ടുണ്ട്. ജനപ്രതിനിധി എന്ന നിലയില് തെറ്റായ പരാമര്ശങ്ങള് തുടരുന്നത് ശരിയല്ല. രാഷ്ട്രീയത്തില് പരിശുദ്ധി ആവശ്യമാണ്.
കീഴ്ക്കോടതിയുടെ ശിക്ഷാ വിധി സ്റ്റേ ചെയ്തിരിക്കണമെന്ന് നിയമമില്ല. ‘തീര്ത്തും നിലനില്ക്കാത്ത കാരണങ്ങള് ചൂണ്ടിക്കാട്ടിയാണ് രാഹുല് സൂറത്ത് കോടതിയുടെ വിധി സ്റ്റേ ചെയ്യണമെന്ന് ആവശ്യം ഉന്നയിച്ചിരിക്കുന്നത്. ഇതില് സ്റ്റേ ചെയ്യുന്നതിനായി മതിയായ കാരണങ്ങളൊന്നുമില്ല. കേസില് രാഹുലിനെ ശിക്ഷിച്ചതില് തെറ്റില്ല, നിയമവിധേയവുമാണെന്നായിരുന്നു ജസ്റ്റിസ് ഹേമന്ത് പ്രചകിന്റെ വിധിയില് പറയുന്നത്.
അതേസമയം വിധിക്കെതിരെ സുപ്രീംകോടതിയില് അപ്പീല് നല്കുമെന്ന് കോണ്ഗ്രസ് വൃത്തങ്ങള് പ്രതികരിച്ചു. വിധി സ്റ്റേ ചെയ്യില്ലെന്ന് ഗുജറാത്ത് ഹൈക്കോടതി വ്യക്തമാക്കിയതോടെ ലോക്സഭയില് രാഹുലിന്റെ അയോഗ്യത തുടരും. കര്ണാടകയിലെ കോലാറില് കഴിഞ്ഞ മാര്ച്ചില് നടത്തിയ പ്രസംഗമാണ് കേസിനാധാരം. മോഷ്ടാക്കള്ക്കെല്ലാം മോദി എന്ന് പേരുള്ളത് എന്തുകൊണ്ടെന്നായിരുന്നു രാഹുലിന്റെ വിവാദ പരാമര്ശം.
