തലശ്ശേരി: പാട്യം പത്തായകുന്നില്‍ സഹോദരനുള്‍പ്പടെ മൂന്നു പേരെ തീവെച്ച ശേഷം യുവാവ് തൂങ്ങി മരിച്ചു. പത്തായക്കുന്നില്‍ രഞ്ജിത്ത് ആണ് മരിച്ചത്. സഹോദരനെയും ഭാര്യയെയും കുട്ടിയെയും ആണ് രഞ്ജിത്ത് തീവെച്ചത്. പൊള്ളലേറ്റ് ഗുരുതരാവസ്ഥയില്‍ ചികിത്സയില്‍ കഴിയുന്ന സഹോദരന്‍ രജീഷിന്റെ ഭാര്യയും മരിച്ചു.
പത്തായക്കുന്നു ശ്രീനാരായണത്തില്‍ പരേതനായ തയ്യില്‍ നാരായണന്റെയും നളിനിയുടെയും മൂത്തമകന്‍ രഞ്ചിത്ത് (47) ഇന്നലെ രാത്രി ഏഴുമണിയോടെ അനുജന്‍ രജീഷും (43) ഭാര്യ സുബിനയും ഭക്ഷണം കഴിക്കുന്നതിനിടയില്‍ തറയില്‍ മണ്ണെണ്ണ ഒഴിച്ച് തീപ്പെട്ടി ഉരച്ച് എറിഞ്ഞു. അനുജന്റെ ഭാര്യ സുബിനയുടെ ദേഹത്ത് തീ ആളിപ്പടര്‍ന്നപ്പോള്‍ ഭര്‍ത്താവ് രജീഷ് തീ അണയ്‌ക്കാന്‍ ശ്രമിക്കുന്നതിനിടയില്‍ രജീഷിനും തൊട്ടടുത്തുള്ള ആറുവയസ്സുള്ള കുട്ടി ദക്ഷന്‍ തേജിനും ഗുരുതരമായി പൊള്ളലേറ്റു. ബഹളം കേട്ട് നാട്ടുകാര്‍ ഓടിയെത്തി പരിക്കേറ്റവരെ കണ്ണൂര്‍ സ്വകാര്യ ആശുപത്രിയിലും തുടര്‍ന്നു കോഴിക്കോട് മെഡിക്കല്‍ കോളേജിലും പ്രവേശിപ്പിച്ചു.
സുബിനയുടെ വീട്ടിലായിരുന്നു മൂത്ത മകന്‍ സൂര്യതേജ്. രഞ്ചിത്തിനെ കാണായതിനെതുടര്‍ന്നു വീട്ടില്‍ എത്തിയവര്‍ അന്വേഷിക്കുന്നതിനിടെ തൊട്ടടുത്ത കിടപ്പുമുറിയില്‍ രഞ്ചിത്ത് തൂങ്ങിനില്‍ക്കുന്ന നിലയില്‍ കണ്ടെത്തി. ഉടന്‍ കൂത്തുപറമ്പ് താലൂക്ക് ആശുപത്രിയില്‍ എത്തിക്കന്‍ ശ്രമിച്ചെങ്കിലും വഴിക്കു വെച്ച് രഞ്ചിത്ത് മരണപ്പെടുകയാണുണ്ടായത്. കതിരൂര്‍ പൊലീസ് സ്ഥലത്തെത്തി അന്വേഷണം തുടങ്ങി.
പ്രതികരിക്കാൻ ഇവിടെ എഴുതുക: