കൊല്ലം : കൊല്ലം കടയ്ക്കല് താലൂക്ക് ആശുപത്രിയില്‍ മൃതദേഹം മാറി നല്‍കി. കടയ്ക്കല് വാച്ചിക്കോണം സ്വദേശി 68 വയസുള്ള വാമദേവന്റെ മൃതദേഹത്തിന് പകരം രാജേന്ദ്രന്‍ നീലകണ്ഠന്‍ എന്നയാളുടെ മൃതദേഹമാണ് മാറി നല്‍കിയത്. മൃതദേഹം പുറത്തെടുത്തതോടെയാണ് മാറിപ്പോയതറിയുന്നത്.
ശനിയാഴ്ചയാണ് സംഭവം നടക്കുന്നത്. വാമദേവന്റെ ബന്ധുക്കള്‍ അന്ത്യകര്‍മ്മങ്ങള്‍ക്കായി മൃതദേഹം വീട്ടിലെത്തിച്ച് പുറത്തെടുത്ത് പരിശോധിച്ചതോടെയാണ് മൃതദേഹം മാറിപ്പോയതറിഞ്ഞത്. ഉടന്‍തന്നെ ബന്ധുക്കള്‍ ആശുപത്രിയില്‍ തിരിച്ചെത്തിച്ച് ശരിക്കുള്ള മൃതദേഹവുമായി മടങ്ങി.
അതേസമയം ബന്ധുക്കളെ കാണിച്ച് ഉറപ്പാക്കിയതിന് ശേഷമാണ് വിട്ടു നല്‍കിയതെന്ന് ആശുപത്രി അധികൃതര്‍ അറിയിച്ചു. എന്നാല്‍ വെന്റിലേറ്ററില്‍ ഏറെ നാള്‍ കഴിഞ്ഞിരുന്നതിനാല്‍ വാമദേവന്റെ മൃതദേഹം ഒറ്റ നോട്ടത്തില്‍ തിരിച്ചറിയാന്‍ ബന്ധുക്കള്‍ക്ക് സാധിച്ചില്ല. ഇതാണ് പ്രശ്‌നങ്ങള്‍ക്കിടയാക്കിയതെന്നാണ് സൂചന. സംഭവത്തില്‍ ആരോഗ്യ വകുപ്പ് വിശദമായ അന്വേഷണം തുടങ്ങി. ജീവനക്കാര്‍ക്ക് പിഴവ് പറ്റിയിട്ടുണ്ടെങ്കില്‍ നടപടി സ്വീകരിക്കുമെന്ന് അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: