കടയിൽ കയറി യുവതിയെ ആക്രമിച്ച യുവാവ് പിടിയിൽ

വെള്ളറട : മദ്യലഹരിയിൽ ഫർണിച്ചർ കടയിൽ കയറി യുവതിയെ  ആക്രമിച്ച യുവാവ് പിടിയിൽ.കാരക്കോണം  കൂനമ്പ ന മോറിയ ഫർണിച്ചർ മാർട്ടിലാണ് സംഭവം.

ഉടമ റജി തോമസിന്റെ ഭാര്യ സജിതകുമാരിയുടെ നേർക്കാണ്ആക്രമണം ഉണ്ടായത്. കടയിൽവിൽപനയ്‌ക്ക് വച്ചിരുന്ന കത്തിയെടുത്ത് കുത്തുകയായിരുന്നു. ഒഴിഞ്ഞുമാറിയതിനാൽ പരുക്കേറ്റില്ല. ചാവടി തച്ചംകോട് സ്വദേശി ജയസിംഗ്(43) ആണ് ആക്രമിച്ചത്. ഇയാളുടെ ഭാര്യ ഇപ്പോൾ പിരിഞ്ഞ്കഴിയുകയാണ്. യുവതി സംഭവം നടന്ന സ്ഥാപനത്തിലെ ജീവനക്കാരിയാണ്. സംഭവസമയത്ത് ഇവർ സ്ഥാപനത്തിലുണ്ടായിരുന്നില്ല. കടയുടമയും നാട്ടുകാരും ചേർന്ന് ഇയാളെ പിടികൂടി പോലീസിലേൽപ്പിക്കുകയായിരുന്നു.