ഹൈദ്രാബാദ്: നടന് രാം ചരണും ഭാര്യ ഉപാസന കൊണിഡേലയും നവജാത ശിശുവുമായി പൊതുവേദിയില് പ്രത്യക്ഷപ്പെട്ടത് ആരാധകരെ ആവേശം കൊളളിച്ചു.പ്രസവിച്ച ശേഷം കുഞ്ഞുമായി ആശുപത്രി വിടവെയാണ് ദമ്പതികള് ക്യാമറയ്ക്ക് മുന്നിലെത്തിയത്.
കുഞ്ഞിനെയും കയ്യിലേന്തി ആശുപത്രിയില് നിന്ന് ഇറങ്ങിയ രാം ചരണിനെ ആരാധകര് ആഹ്ലാദാരവത്തോടെ സ്വീകരിച്ചു. ഗേറ്റില് ദമ്പതികള്ക്ക് മേല് റോസാദളങ്ങള് വാരിയെറിഞ്ഞു.
വെള്ള ഷര്ട്ടും നീല ഡെനിമും ധരിച്ചാണ് റാം ചരണ് ആരാധകര്ക്ക് മുന്നിലെത്തിയത്. കുഞ്ഞിനെ വെള്ള തുണിയില് പൊതിഞ്ഞിരുന്നു.ഉപാസന പുഷ്പങ്ങളുടെ ചിത്രമുളള മാക്സിയാണ് ധരിച്ചിരുന്നത്. റാം ചരണ് തന്റെ ആരാധകരുടെയും അഭ്യുദയകാംക്ഷികളുടെയും അനുഗ്രഹങ്ങള്ക്ക് നന്ദി പറഞ്ഞു. ആശുപത്രിയിലെ ഡോക്ടര്മാര്ക്കും താരം നന്ദി പറഞ്ഞു.
ഈ മാസം 20 നാണ് ദമ്പതികള്ക്ക് പെണ്കുഞ്ഞ് ജനിച്ചത്. അന്ന് രാവിലെ കുഞ്ഞിനെ കാണാന് രാം ചരണിന്റെ പിതാവും തെലുങ്ക് സൂപ്പര് താരവുമായ ചിരഞ്ജീവിയും ഭാര്യയും എത്തിയിരുന്നു.പിന്നീട് ട്വിറ്ററിലൂടെയാണ് ഈ വിവരം ചിരഞ്ജീവി ആരാധകരെ അറിയിച്ചത്.
38 കാരനായ റാം ചരണും 33 കാരിയായ ഉപാസനയും വര്ഷങ്ങള് നീണ്ട പ്രണയത്തിനൊടുവില് 2012ലാണ് വിവാഹിതരായത്.ഡിസംബറില് ഉപാസന ഗര്ഭം ധരിച്ചതായി അറിയിച്ചിരുന്നു.
