തിരുവനന്തപുരം:മരിയാപുരം സ്വദേശികളായ ദമ്പതികളെ വൈദികന്‍ കാറിടിച്ച് പരിക്കേല്‍പിച്ചുവെന്ന് പരാതി.തുമ്പമണ്‍ മുട്ടത്ത് വെച്ച് ദമ്പതികള്‍ യാത്ര ചെയ്തിരുന്ന സ്കൂട്ടറില്‍ മനപൂര്‍വ്വം കാര്‍ ഇടിച്ച ശേഷം വൈദികനായ ഗീവര്‍ഗ്ഗീസ് കോശി നിര്‍ത്താതെ പോയെന്ന് പറയുന്നു. സ്കൂട്ടറില്‍ നിന്നും വീണ ദമ്പതികളായ ബാബു, അനിത എന്നിവര്‍ക്ക് പരിക്കേറ്റു. ഇരുവരും മരിയാപുരം സ്വദേശികളാണ്.
ഭാര്യയ്‌ക്കും ഭര്‍ത്താവിനും പരിക്കേറ്റു. അപകടത്തിന് ശേഷം വാഹനം നിര്‍ത്താതെ ഓടിച്ചുപോയ വൈദികന്‍ വീട്ടിലെത്തി. പിന്നീട് അവിടെ നിന്നും ബൈക്കെടുത്ത് അപകടം നടന്ന സ്ഥലത്തേയ്‌ക്കെത്തി.
തുടര്‍ന്ന് നാട്ടുകാരും ദമ്പതികളും വൈദികനെതിരെ തിരിഞ്ഞു. വൈദികനും ദമ്പതികളും അയല്‍ക്കാരാണെന്നും ഇരുകൂട്ടരും തമ്മില്‍ അതിര്‍ത്തിതര്‍ക്കമുണ്ടെന്നും പറയുന്നു.
പ്രതികരിക്കാൻ ഇവിടെ എഴുതുക: