ജക്കാര്‍ത്ത : ഇന്തോനേഷ്യ ഓപ്പണ്‍ ബാഡ്മിന്റണ്‍ പുരുഷ ഡബിള്‍സ് ഫൈനലില്‍ ചിരാഗ് ഷെട്ടി-സാത്വിക്സായിരാജ് രങ്കിറെഡ്ഡി സഖ്യം ഞായറാഴ്ച ഫൈനല്‍ മത്സരം കളിക്കും.നിലവിലെ ലോക ചാമ്പ്യന്മാരായ മലേഷ്യയുടെ ആരോണ്‍ ചിയ-സോ വൂയി യിക് സഖ്യത്തെയാണ് നേരിടുക.
ചിരാഗ് ഷെട്ടി-സാത്വിക്സായിരാജ് രങ്കിറെഡ്ഡി സഖ്യം ലോക 12-ാം നമ്പര്‍ ജോഡിയായ റിപ്പബ്ലിക് ഓഫ് കൊറിയയുടെ കാങ് മിന്‍ഹ്യൂക്ക്-സിയോ സിയുങ്ജെയെ 17-21, 21-19, 21-18 എന്ന സ്‌കോറിനാണ് പരാജയപ്പെടുത്തിയത്. നാല് മത്സരങ്ങളില്‍ ദക്ഷിണ കൊറിയന്‍ എതിരാളികള്‍ക്കെതിരെ ഇന്ത്യന്‍ ജോഡിയുടെ മൂന്നാം വിജയമാണിത്.
നേരത്തെ ക്വാര്‍ട്ടര്‍ ഫൈനലില്‍ ചിരാഗ് ഷെട്ടിയും സാത്വിക് സായ്രാജ് രങ്കിറെഡ്ഡിയും നേരിട്ടുള്ള ഗെയിമുകള്‍ക്ക് ലോക ഒന്നാം നമ്പര്‍ ജോഡികളായ ഫജര്‍ അല്‍ഫിയാന്‍-മുഹമ്മദ് റിയാന്‍ അര്‍ഡിയാന്റോ സഖ്യത്തെ അട്ടിമറിച്ചിരുന്നു. പുരുഷ സിംഗിള്‍സ് സെമിയില്‍ എച്ച്എസ് പ്രണോയിയെ ഡെന്‍മാര്‍ക്കിന്റെ വിക്ടര്‍ അക്‌സല്‍സെന്‍ തോല്‍പ്പിച്ചു. സ്‌കോര്‍ 21-15, 21-15 .
പ്രതികരിക്കാൻ ഇവിടെ എഴുതുക: