ശബരിമല: മിഥുന മാസപൂജയ്ക്കായി ക്ഷേത്രനട തുറന്നു. മേല്ശാന്തി ജയരാമന് നമ്പൂതിരി നട തുറന്ന് അയ്യപ്പനെ ഭക്തജനസാന്നിധ്യം അറിയിച്ചു. തുടര്ന്ന് മാളികപ്പുറം ക്ഷേത്രനട തുറക്കാന് മേല്ശാന്തി ഹരിഹരന് നമ്പൂതിരിക്ക് താക്കോല് നല്കി . ഇന്ന് മറ്റു പൂജകളില്ല. വെള്ളിയാഴ്ച പുലര്ച്ചെ 5.30ന് തന്ത്രി കണ്ഠര് രാജീവരുടെ കാര്മികത്വത്തില് മിഥുന മാസ പൂജ ആരംഭിക്കും.
20 വരെ പൂജകള് ഉണ്ടാകും. ദിവസവും പുലര്ച്ചെ 5.30 മുതല് 9.30വരെ തീര്ഥാടകര്ക്ക് നെയ്യഭിഷേകത്തിനുള്ള അവസരമുണ്ട്. ഉദയാസ്തമയപൂജ, പടിപൂജ, കളഭാഭിഷേകം, കലശാഭിഷേകം, പുഷ്പാഭിഷേകം എന്നിവ വിശേഷാല് വഴിപാടായി ഉണ്ടാകും. കെഎസ്ആര്ടിസി തിരുവനന്തപുരം, ചെങ്ങന്നൂര്, പത്തനംതിട്ട, എരുമേലി, കുമളി എന്നിവിടങ്ങളില്നിന്നു പമ്പയ്ക്ക് പ്രത്യേക സര്വീസ് നടത്തും. നിലയ്ക്കല്- പമ്പ റൂട്ടില് ചെയിന് സര്വീസും ഉണ്ട്.
