പെരിയ: മാരുതി വാഗണ് ആര് വാഹനത്തില് സൂക്ഷിച്ച മൂന്ന് കിലോഗ്രാം കഞ്ചാവ് ഹോസ്ദുര്ഗ് എക്സൈസ് സര്ക്കിള് ഇന്സ്പെക്ടര് എം.ദിലീപും സംഘവും ചേര്ന്ന് പിടിച്ചെടുത്തു. പെരിയാട്ടടുക്കം മുനിക്കല് നിര്ത്തിയിട്ട കെഎല് 60 ഇ 7514 നമ്പര് വാഹനത്തില് സൂക്ഷിച്ച കഞ്ചാവും വാഹനവും കസ്റ്റഡിയിലെടുത്ത് കേസ് രജിസ്റ്റര് ചെയ്തതു.
ഹോസ്ദുര്ഗ് സര്ക്കിള് ഓഫീസില് ലഭിച്ച രഹസ്യവിവരത്തെ തുടര്ന്ന് നടത്തിയ പരിശോധനയിലാണ് കഞ്ചാവ് കണ്ടെടുത്തത്. ഏറെ കാലമായി പെരിയാട്ടടുക്കം മേഖലകളില് കഞ്ചാവ് ഉപയോഗം വ്യാപകമാണെന്ന് പരാതികള് ഉണ്ടായിരിന്നു. വാഹനത്തില് കഞ്ചാവ് സൂക്ഷിച്ചയാളെക്കുറിച്ച് അന്വേഷണം ആരംഭിച്ചിട്ടുണ്ട്. പരിശോധന സംഘത്തില് സിവില് എക്സൈസ് ഓഫീസര്മരായ കെ.വി.ഷാജി, ജിജിത്ത് കുമാര്, സിജിന് എന്നിവരും ഉണ്ടായിരുന്നു.
