കലവൂര്‍: ഇടിമിന്നലേറ്റ് വീട് തകര്‍ന്ന് ലക്ഷങ്ങളുടെ നഷ്ടം. മാരാരിക്കുളം തെക്ക് പഞ്ചായത്ത് അഞ്ചാം വാര്‍ഡ് മുണ്ടുപറമ്പില്‍ പുഷ്‌ക്കരന്റെ വീടാണ് തകര്‍ന്നത്. കഴിഞ്ഞ ദിവസം ഉച്ചകഴിഞ്ഞായിരുന്നു സംഭവം. വീട്ടില്‍ ആരും ഉണ്ടായിരുന്നില്ല.
പുഷ്‌ക്കരനും ഭാര്യയും ചികിത്സയ്‌ക്കായി ആശുപത്രിയില്‍ പോയിരിക്കുകയായിരുന്നു. മടങ്ങി എത്തിയപ്പോഴാണ് വീട് തകര്‍ന്ന നിലയില്‍ കണ്ടത്. മൂന്നു മുറികള്‍ പൂര്‍ണമായും തകര്‍ന്നു, വീട്ടുപകരണങ്ങളും വൈദ്യുതോപകരണങ്ങളും പൂര്‍ണമായും കത്തി നശിച്ചു.
പുഷ്‌ക്കരന്റെ മകന്റെ സര്‍ട്ടിഫിക്കറ്റുകളും, റേഷന്‍കാര്‍ഡ്, ആധാര്‍ കാര്‍ഡുകള്‍ ഉള്‍പ്പെടെയുള്ള രേഖകളും കത്തി നശിച്ചു. ഏതാണ്ട് മൂന്നു ലക്ഷത്തോളം രൂപയുടെ നഷ്ടം കണക്കാക്കുന്നു. അഗ്നിരക്ഷാസേനയും സ്ഥലത്തെത്തിയിരുന്നു.
പ്രതികരിക്കാൻ ഇവിടെ എഴുതുക: