ഇംഫാല്‍: കുക്കി-മെയ്തെയ് ഗോത്രം വിഭാഗങ്ങൾ തമ്മിലുള്ള അക്രമം രൂക്ഷമായ മണിപ്പൂരിൽ ബിജെപി വനിതാ എംഎല്‍എയുടെ വീടിന് നേരെ ബോംബേറ്. സൊറായി സാം കെബി ദേവി എംഎല്‍എയുടെ വീടിന് നേരെയാണ് ആക്രമണമുണ്ടായത്. വ്യാഴാഴ്ച രാത്രിയോടെയാണ് സംഭവം.
ബൈക്കിലെത്തിയ അക്രമി സംഘം എംഎല്‍എയുടെ വീടിന്റെ ഗേറ്റിനുള്ളിലേക്ക് ബോംബ് എറിയുകയായിരുന്നു. ഇതിന് പിന്നാലെ വൻ സ്ഫോടനം ഉണ്ടാവുകയും ഭൂമിയിൽ വൻ ഗർത്തം രൂപപ്പെടുകയും ചെയ്തു. സംഭവത്തില്‍ ആളപായമില്ലെന്നാണ് വിവരം. സംഘര്‍ഷം രൂക്ഷമായ സാഹചര്യത്തില്‍ സംസ്ഥാനത്ത് കടുത്ത ജാഗ്രത തുടരുകയാണ്. കഴിഞ്ഞ മെയ് നാലിന് മറ്റൊരു എംഎല്‍എയ്‌ക്ക് നേരെയും ആക്രമണമുണ്ടായിരുന്നു. വുംഗ്‌സാഗിന്‍ വാള്‍ട്ടെ എന്ന എംഎല്‍എയാണ് ആള്‍ക്കൂട്ട ആക്രമണത്തിന് ഇരയായത്.
ആക്രമണത്തില്‍ ഗുരുതരമായി പരിക്കേറ്റ അദ്ദേഹം ചികിത്സയിലാണ്. അദ്ദേഹത്തിന്റെ ഓര്‍മശക്തി നഷ്ടമായെന്നും ആരോഗ്യനില വീണ്ടെടുക്കാന്‍ മാസങ്ങള്‍ എടുക്കുമെന്നുമാണ് വിവരം. മണിപ്പൂരിൽ പ്രത്യേക ഭരണ സംവിധാനം നടപ്പാക്കണമെന്ന് ആവശ്യപ്പെട്ട് പത്ത് കുക്കി-ചിൻ എംഎൽഎ മാർക്ക് കാരണം കാണിക്കൽ നോട്ടീസ് നൽകിയിട്ടുണ്ട്. ഇതിൽ 16നകം വിശദീകരണം നൽകാനാണ് കമ്മിറ്റിയുടെ നിർദേശം.
പ്രതികരിക്കാൻ ഇവിടെ എഴുതുക: