തൃശ്ശൂർ : പെരിങ്ങോട്ടുകര കിടപ്പറമ്പിൽ മൂകാംബിക ക്ഷേത്രത്തിലെ തിരുവാഭരണങ്ങള്‍ മോഷണം പോയി. തിരുവാഭരണങ്ങൾ എട്ടു പവനോളം വരും. 4 സ്വർണമാലകളാണ് ഇതില്‍ ഉള്‍പ്പെടുന്നത്.
പുലർച്ചെ ക്ഷേത്രത്തിലെത്തിയ ജീവനക്കാരനാണ് മോഷണ വിവരം അറിഞ്ഞത്. താന്ന്യം പഞ്ചായത്തിലെ സര്‍ക്കാര്‍ ആശുപത്രിക്ക് സമീപമാണ് കിടപ്പറമ്പിൽ ഭഗവതി ക്ഷേത്രം. സ്ട്രോങ്ങ് റൂമിന്റെ അലമാര മോഷ്ടാക്കള്‍ കുത്തിത്തുറന്നിട്ടുണ്ട്. ക്ഷേത്രത്തിന്റെ നടവാതിൽ തുറന്നു കിടക്കുകയായിരുന്നു. ……
വിവരമറിഞ്ഞ് ക്ഷേത്രഭാരവാഹികൾ എത്തിയപ്പോഴാണ് തിരുവാഭരണങ്ങള്‍ നഷ്ടപെട്ട വിവരം അറിയുന്നത്. അന്തിക്കാട് എസ്ഐ എ. ഹബീബുള്ളയുടെ നേതൃത്വത്തിൽ അന്വേഷണം തുടങ്ങി. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: