തിരുവനന്തപുരം: തരിശു ഭൂമിയില് പച്ചപ്പൊരുക്കിയും ഒഴിഞ്ഞു കിടക്കുന്ന സ്ഥലങ്ങളും മാലിന്യ നിക്ഷേപ കേന്ദ്രങ്ങളായിക്കിടക്കുന്ന സ്ഥലങ്ങളും വൃത്തിയാക്കി നിലമൊരുക്കിയും തൈകള് വച്ചുപിടിപ്പിക്കുന്ന ഹരിതകേരളം മിഷന്റെ പച്ചത്തുരുത്ത് പദ്ധതിയില് ആയിരം എണ്ണത്തിന് കൂടി ലോക പരിസ്ഥിതി ദിനമായ ഇന്ന് തുടക്കമിടും.
തിരുവനന്തപുരത്ത് മാണിക്കല് പഞ്ചായത്തില് ആലിയാട് ഗ്രാമീണ ചന്തയുടെ അങ്കണത്തില് ആരംഭിക്കുന്ന പച്ചത്തുരുത്തിന്റെ ഉദ്ഘാടനം ഭക്ഷ്യ മന്ത്രി ജി.ആര്. അനില് നിര്വഹിച്ചു. ശ്രീചിത്ര ഹോം പരിസരത്തു രാവിലെ നടക്കുന്ന പച്ചത്തുരുത്ത് തൈനടീല് നവകേരളം കര്മപദ്ധതി കോര്ഡിനേറ്ററും ഹരിതകേരളം മിഷന് വൈസ് ചെയര് പേഴ്സുമായ ഡോ. ടി.എന്. സീമ ഉദ്ഘാടനം ചെയ്യും.
ഡോ. ആര്.വി.ജി. മേനോന്, പരിസ്ഥിതി പ്രവര്ത്തകര് തുടങ്ങിയവര് പങ്കെടുക്കും. കേരള ശാസ്ത്ര സാഹിത്യ പരിഷത് ആണ് ഈ പച്ചത്തുരുത്തിന്റെ പരിപാലനം നിര്വഹിക്കുന്നത്. നിലവില് 779 ഏക്കറുകളിലായി 2526 പച്ചത്തുരുത്തുകള് സംസ്ഥാനത്തു വച്ചുപിടിപ്പിച്ചിട്ടുണ്ട്. പച്ചത്തുരുത്തുകളില് വരള്ച്ചയെത്തുടര്ന്നും മറ്റും കേട് വന്നതും നശിച്ചുപോയതുമായ തൈകള്ക്ക് പകരം പുതിയ തൈകളും ഇതോടൊപ്പം നാട്ടു പിടിപ്പിക്കുമെന്ന് നവകേരളം കര്മപദ്ധതി കോര്ഡിനേറ്ററും ഹരിതകേരളം മിഷന് വൈസ് ചെയര് പേഴ്സനുമായ ഡോ. ടി.എന്.സീമ പറഞ്ഞു.
