കോട്ടയം : ഡോ. വന്ദന ദാസിനെ കൊലപ്പെടുത്തുന്ന സമയത്ത് പ്രതി സന്ദീപ് ലഹരി വസ്തുക്കള് ഉപയോഗിച്ചിരുന്നില്ലെന്ന് നിര്ണായക കണ്ടെത്തല്. പ്രതിയുടെ രക്തത്തിലും മൂത്രത്തിലും ലഹരിയുടെ സാന്നിധ്യമില്ലെന്നും കണ്ടെത്തലില് പറയുന്നുണ്ട്.
ഡോ. വന്ദനയുടെ മരണവുമായി ബന്ധപ്പെട്ട ഫോറന്സിക് റിപ്പോര്ട്ട് കോടതിക്ക് കൈമാറി. പ്രതിക്ക് കാര്യമായ മാനസിക പ്രശ്നങ്ങള് ഇല്ലെന്നും മെഡിക്കല് ബോര്ഡ് പരിശോധനയില് കണ്ടെത്തിയിട്ടുണ്ട്. മെയ്പത്തിന് പുലര്ച്ചെയാണ് വന്ദന കുത്തേറ്റ് മരിക്കുന്നത്.
കൊട്ടാരക്കര താലൂക്ക് ആശുപത്രിയില് പോലീസ് ചികിത്സയ്ക്കായി എത്തിച്ച പ്രതി സന്ദീപ് വന്ദനയെ കുത്തിക്കൊലപ്പെടുത്തുകയായിരുന്നു. പോലീസുകാര് അടക്കം നാലുപേര്ക്ക് സന്ദീപിന്റെ ആക്രമണത്തില് പരിക്കേറ്റിരുന്നു.
