ബംഗളൂരു: കന്നട നടനും ടെലിവിഷന്‍ പരമ്പരകളുടെ സംവിധായകനുമായ നിതിന്‍ ഗോപി (39) അന്തരിച്ചു. ഹൃദയാഘാതത്തെ തുടര്‍ന്നായിരുന്നു മരണം..
പ്രശസ്ത പുല്ലാങ്കുഴല്‍ വിദഗ്ധനായ ഗോപിയുടെ മകനാണ് നിതിന്‍. ഇട്ടമടുക്കിലെ അപ്പാര്‍ട്ട്‌മെന്റില്‍ മാതാപിതാക്കള്‍ക്കൊപ്പം താമസിച്ചു വരികയായിരുന്നു.
നെഞ്ചുവേദനയെ തുടര്‍ന്ന് ആശുപത്രിയില്‍ പ്രവേശിപ്പിച്ച നിതിനെ തീവ്രപരിചരണ വിഭാഗത്തില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
വിഷ്ണുവര്‍ദ്ധനൊപ്പം അഭിനയിച്ച ‘ഹലോ ഡാഡി’യിലൂടെയാണ് നിതിന്‍ ശ്രദ്ധനേടിയത്. ‘ചിരബാന്ധവ്യ’, ‘കേരളീയ കേസരി’, ‘മുത്തിനന്ത ഹെന്ദാടി’ തുടങ്ങിയ ചിത്രങ്ങളില്‍ ബാലതാരമായി അഭിനയിച്ചു.
പ്രതികരിക്കാൻ ഇവിടെ എഴുതുക: