ചാമരാജനഗര് (കര്ണാടക): ഇന്ത്യന് വ്യോമസേനയുടെ (ഐഎഎഫ്) ട്രെയിനര് വിമാനം കര്ണാടകയിലെ ചാമരാജനഗറില് തുറസ്സായ മൈതാനത്ത് തകര്ന്നുവീണു. ചാമരാജനഗര് ജില്ലയിലെ മകാലി ഗ്രാമത്തിന് സമീപം പതിവ് പരിശീലന പരിപാടിക്കിടെയാണ് കിരണ് ട്രെയിനര് വിമാനം തകര്ന്ന് വീണതെന്ന് ഐഎഎഫ് ഉദ്യോഗസ്ഥര് പറഞ്ഞു.
വിമാനത്തിലെ രണ്ട് പൈലറ്റുമാരും സുരക്ഷിതമായി ഇജെക്റ്റ് ചെയ്തതിനാല് വലിയ പരിക്കുകളില്ലാതെ രക്ഷപ്പെട്ടു. ഒരു വനിതാ പൈലറ്റ് ഉള്പ്പെടെ രണ്ട് പൈലറ്റുമാരും സുരക്ഷിതരാണെന്ന് അധികൃതര് അറിയിച്ചു. തകര്ച്ചയുടെ കാരണം കണ്ടെത്താന് അന്വേഷണ കോടതി ഉത്തരവിട്ടിട്ടുണ്ട്.
