തിരുവനന്തപുരം : സ്‌കൂള്‍ പ്രവേശനോത്സവത്തിന്റെ ഒരുക്കങ്ങള്‍ നടക്കുന്നതിനിടെ കെഎസ്‌യുവും എസ്എഫ്‌ഐയും തമ്മില്‍ സംഘര്‍ഷം. തിരുവനന്തപുരം വെള്ളറട സ്‌കൂളില്‍ പ്രവേശനോത്സവത്തിന്റെ അലങ്കാരപ്പണികള്‍ നടത്തുന്നതിനിടെയാണ് സംഭവം. നേതാക്കള്‍ തമ്മില്‍ വാക്കേറ്റം ഉണ്ടാവുകയും അത് സഘര്‍ഷത്തിലേക്ക് നീങ്ങുകയുമായിരുന്നു.
സ്‌കൂള്‍ പ്രവേശനോത്സവം ഒരുക്കങ്ങള്‍ക്കായി അലങ്കരിക്കാന്‍ തോരണം നല്‍കിയില്ലെന്ന് ആരോപിച്ചുള്ള വാക്കേറ്റമാണ് സംഘര്‍ഷത്തിലേക്ക് എത്തിയത്. ഇരു വിഭാഗങ്ങളും തമ്മിലുള്ള ഏറ്റുമുട്ടലില്‍ എസ്എഫ്ഐ വെള്ളറട ഏരിയ പ്രസിഡന്റ് മന്‍സൂറിനും പ്രവര്‍ത്തകര്‍ക്കും മര്‍ദ്ദനമേറ്റു. ഇതോടെ എസ്എഫ്ഐ പ്രവര്‍ത്തകര്‍ ചേര്‍ന്ന് കോണ്‍ഗ്രസിന്റെ വെള്ളറട മണ്ഡലം കമ്മറ്റി ഓഫിസ് അടിച്ച് തകര്‍ത്തു. ആക്രമണത്തില്‍ ഒമ്പത് കോണ്‍ഗ്രസ് പ്രവര്‍ത്തകര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: