കുമളി: തേക്കടിയില്‍ കാട്ടാനയുടെ ആക്രമണത്തില്‍ വനംവകുപ്പ് ജീവനക്കാരന് പരിക്കേറ്റു. ഡിവിഷണല്‍ ഓഫീസിലെ സീനിയർ ക്ലര്‍ക്ക് റോബിനാണ് (38) പരിക്കേറ്റത്. കട്ടപ്പന നരിയംപാറ സ്വദേശിയാണ് റോബിൻ. ബോട്ട് ലാന്‍ഡിംഗിന് സമീപമാണ് കാട്ടാനയുടെ ആക്രമണമുണ്ടായത്.
റോബിന് രാവിലെ നടക്കാനിറങ്ങിയപ്പോഴാണ് കാട്ടാനയുടെ മുന്നില്‍പ്പെട്ടത്. ഗുരുതരമായി പരിക്കേറ്റ റോബിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ആനയെ കണ്ട് ഭയന്നോടിയ റോബി സമീപത്തുള്ള ട്രെഞ്ചിൽ വീഴുകയായിരുന്നു. ഈ ട്രഞ്ചിലൂടെ തന്നെ ആന കടന്നുപോകുമ്പോൾ നിലത്തുവീണ റോബിന് ചവിട്ടേൽക്കുകയായിരുന്നു.
സംഭവത്തെ തുടർന്ന് തേക്കടിയിൽ പ്രഭാതസവാരിയും സൈക്കിൾ സവാരിയും നിരോധിച്ചു.
പ്രതികരിക്കാൻ ഇവിടെ എഴുതുക: