കാസര്‍കോട് :കൗമാരക്കാരെ ലഹരി നല്‍കി ലൈംഗിക പീഢനത്തിന് വിധേയരാക്കുന്ന രണ്ട് മുസ്ലിം നേതാക്കള്‍ ഒളിവില്‍. പൊലീസിന്റെ പിടി വീഴുമെന്ന് ഉറപ്പായതോടെയാണ് ഇവര്‍ മുങ്ങിയത്.
ഒരു ക്രഷറില്‍ വെച്ച് ലൈംഗിക പീഢനത്തിന് വിധേയനായ 15 കാരന് പരാതി നല്‍കിയതോടെയാണ് സംഭവം പുറത്തറിഞ്ഞത്. ആദൂര്‍ പൊലീസ് കേസെടുത്തിട്ടുണ്ട്. ഇതോടെയാണ് പ്രതികള്‍ ഒളിവില്‍ പോയത്.
പൊവ്വല്‍ ജുമാമസ്ജിദ് പ്രത്യേക ഭാരവാഹി കൂടിയാണ് ഈ ലീഗ് നേതാക്കളില്‍ ഒരാള്‍. രണ്ടുപേരുടെയും വീടുകളില്‍ പൊലീസ് പരിശോധന നടത്തിയെങ്കിലും കണ്ടെത്താനായില്ല.
കൗമരക്കാരായ ആണ്‍കുട്ടികള്‍ക്ക് മയക്കമരുന്ന് നല്‍കിയ ശേഷം ലൈംഗിക വൈകൃതമുള്ളവരുടെ അടുത്തെത്തിക്കുന്ന പ്രാകൃത രീതിയാണ് ഈ മുസ്ലീം ലീഗ് നേതാക്കള്‍ പിന്തുടര്‍ന്നിരുന്നത്. ആദ്യം പരാതി ലോക്കല്‍ പൊലീസ് തള്ളിക്കളയാന്‍ ശ്രമിച്ചെങ്കിലും ജില്ലാ പൊലീസ് മേധാവിയ്‌ക്കും സംഭവം നടന്ന പ്രദേശത്തെ ഡിവൈഎസ്പിയ്‌ക്കും പരാതി നല്‍കിയതോടെയാണ് കേസെടുക്കാനും കുട്ടിയില്‍ നിന്നും മൊഴിയെടുക്കാനും നീക്കമുണ്ടായത്.
പ്രതികരിക്കാൻ ഇവിടെ എഴുതുക: