തൃശൂര് : ഓടിക്കൊണ്ടിരുന്ന ടെമ്പോ ട്രാവലര് തീപിടിച്ച് കത്തിനശിച്ചു. ചേലക്കര കൊണ്ടാഴിയിലാണ് സംഭവം. ഡ്രൈവര് ഇറങ്ങിയോടി രക്ഷപ്പെട്ടു.
വിവാഹച്ചടങ്ങില് പങ്കെടുക്കാനുള്ള ആളുകളെ കയറ്റാന് പോയ ചേലക്കോട് സൂപ്പിപ്പടി സ്വദേശി ലിതിന്റെ ഉടമസ്ഥതയിലുള്ള ടെമ്പോ ട്രാവലറിനാണ് തീപിടിച്ചത്. ഡ്രൈവര് ചേലക്കോട് കരണംകുന്നത്ത് ഹരികൃഷ്ണന് മാത്രമായിരുന്നു തീ പടര്ന്നപ്പോള് വാഹനത്തിലുണ്ടായിരുന്നത്.
ടെമ്പോ ട്രാവലര് പൂര്ണ്ണമായും അഗ്നിക്കിരയായി. നാട്ടുകാരും ഷൊര്ണൂരില് നിന്നെത്തിയ അഗ്നിശമന സേനയും ചേര്ന്നാണ് തീ കെടുത്തിയത്.
