തിരുവനന്തപുരം: പുത്തന്‍തോപ്പില്‍ പൊള്ളലേറ്റ് അമ്മയും കുഞ്ഞും മരിച്ചു. വെങ്ങാനൂര്‍ സ്വദേശിനിയായ അഞ്ജുവും 9 മാസം മാത്രം പ്രായമുള്ള ഡേവിഡും ആണ് മരിച്ചത്. അമ്മയ്‌ക്കൊപ്പം കുളിമുറിയിലാണ് കുഞ്ഞിനെയും പൊള്ളലേറ്റ നിലയില്‍ കണ്ടെത്തിയത്. ഇരുവരെയും കഴിഞ്ഞദിവസമാണ് കുളിമുറിയില്‍ പൊള്ളലേറ്റ നിലയില്‍ കണ്ടെത്തിയത്. ഇന്നലെ കുട്ടിയുടെ അമ്മ മരിച്ചിരുന്നു.
പുത്തന്‍തോപ്പ് റോജ ഡെയ്‌ലില്‍ രാജു ജോസഫ് ടിന്‍സിലയുടെ ഭാര്യ അഞ്ജുവും കുഞ്ഞുമാണ് മരിച്ചത്. അഞ്ജുവിനെ ആശുപത്രിയിലെത്തിച്ചെങ്കിലും മരിച്ചിരുന്നു. കുഞ്ഞ് തീവ്രപരിചരണ വിഭാഗത്തില്‍ ചികിത്സയിലായിരുന്നു. ഇന്നാണ് കുഞ്ഞ് മരിച്ചത്. ചൊവ്വാഴ്ച വൈകിട്ട് ഏഴ് മണിയോടെയായിരുന്നു സംഭവം. പുറത്തുപോയി തിരിച്ചെത്തിയപ്പോഴാണ് ഭര്‍ത്താവ് രാജു അകത്തെ കുളിമുറിയില്‍ അഞ്ജുവിനെ മരിച്ച നിലയില്‍ കണ്ടെത്തിയത്. ഉടനെ ആളുകളെ വിളിച്ചു കൂട്ടുകയും പൊള്ളലേറ്റ കുഞ്ഞിനെ അടുത്തുള്ള സ്വകാര്യ ആശുപത്രിയില്‍ പ്രവേശിപ്പിക്കുകയും ചെയ്തു.
എന്നാല്‍ കുളിമുറിയില്‍ തീപിടിത്തം ഉണ്ടായതറിഞ്ഞില്ലെന്നാണ് വീട്ടുകാര്‍ പറയുന്നത്. ആത്മഹത്യയെന്നാണ് പ്രാഥമിക നിഗമനമെങ്കിലും ഇതുറപ്പിക്കാറായിട്ടില്ലെന്ന് പോലീസ് അറിയിച്ചു. സംഭവത്തില്‍ അന്വേഷണം പുരോഗമിക്കുകയാണ്.
പ്രതികരിക്കാൻ ഇവിടെ എഴുതുക: