ന്യൂദല്‍ഹി: 2026ഓടെ 11,000 തൊഴിലവസരങ്ങള്‍ വെട്ടിക്കുറയ്‌ക്കാനൊരുങ്ങി ടെലികോം ഭീമനായ വോഡഫോണ്‍. ഈ സാമ്പത്തിക വര്‍ഷത്തിലെ വരുമാനത്തില്‍ കാര്യമായ വളര്‍ച്ചയ്‌ക്ക് സാധ്യതയില്ലെന്ന നിഗമനത്തിലാണ് ബ്രിട്ടീഷ് കമ്പനിയുടെ ഈ തീരുമാനം.
വോഡഫോണ്‍ ഇനി ഒരു ചെറിയ സ്ഥാപനമായിരിക്കും. കമ്പനി മാറേണ്ടിയിരിക്കുന്നുവെന്നും പുതിയ ചീഫ് എക്‌സിക്യൂട്ടീവ് മാര്‍ഗരിറ്റ ഡെല്ല വാലെ പറഞ്ഞു. കഴിഞ്ഞ വര്‍ഷം 1,04,000 ജീവനക്കാരായിരുന്നു വോഡഫോണില്‍ ഉണ്ടായിരുന്നത്. പിരിച്ചുവിടലുകള്‍ ആരംഭിച്ചാല്‍ അത് വോഡഫോണിന്റെ ആഗോള തൊഴിലാളികളുടെ 10 ശതമാനത്തിലധികം ആയിരിക്കും.
