രാജ്യത്തൊട്ടാകെ മികച്ച സ്വീകാര്യതയാണ് ‘ദി കേരള സ്റ്റോറി’ ലഭിക്കുന്നത്. സിനിമയുടെ മികവിനെ കുറിച്ച് പറയുന്നവര്‍ ഏറ്റവും കൂടുതല്‍ അഭിനന്ദനങ്ങള്‍ നേരുന്നത് ചിത്രത്തിലെ പ്രധാന വേഷം കൈകാര്യം ചെയ്ത ആദാ ശര്‍മ്മയെയാണ്. പ്രേക്ഷകരുടെ പ്രതികരണങ്ങള്‍ക്ക് വളരെ അധികം സന്തോഷം ഉണ്ടെന്ന് നടി വ്യക്തമാക്കി.
പ്രേക്ഷകര്‍ എല്ലായ്‌പ്പോഴും തനില്‍ നിന്ന് കൂടുതല്‍ പ്രതീക്ഷിക്കുന്നതായി തോന്നിയിട്ടുണ്ടെന്ന് ആദാ പറഞ്ഞു. ഞാന്‍ ചെയ്യുന്ന ഓരോ സിനിമയും എന്റെ അവസാനത്തേതാണെന്ന് എന്ന ചിന്തയോടെയാണ് സ്വീകരിക്കുന്നത്. കാരണം എനിക്ക് മറ്റൊരു അവസരം ലഭിക്കുമോ എന്ന് അറിയില്ല. ആരെങ്കിലും എന്നില്‍ വീണ്ടും വിശ്വാസം അര്‍പ്പിച്ച് കഥപാത്രങ്ങള്‍ നല്‍കുമെന്നതും വ്യക്തമല്ല. എന്നാല്‍ പ്രേക്ഷകര്‍ക്ക് എപ്പോഴും എന്നെക്കുറിച്ച് വലിയ സ്വപ്നങ്ങളുണ്ടായിരുന്നുവെന്ന് ഞാന്‍ വിശ്വസിക്കുന്നു.
ആദയ്‌ക്ക് ഈ വേഷം ലഭിച്ചിരുന്നെങ്കില്‍ ആ വേഷം ലഭിച്ചിരുന്നെങ്കില്‍ എന്ന് അവര്‍ പറയാറുണ്ട്. ഇപ്പോള്‍, ആ സ്വപ്നങ്ങളെല്ലാം യാഥാര്‍ത്ഥ്യമായെന്ന് ഞാന്‍ കരുതുന്നു. അതില്‍ ഞാന്‍ വളരെ ഭാഗ്യവാതിയാണെന്നും നടി എഎന്‍ഐക്ക് നല്‍കിയ അഭിമുഖത്തില്‍ പറഞ്ഞു. ചിത്രത്തിന്റെ ശ്രദ്ധേയമായ വിജയം താരം പ്രതീക്ഷിച്ചിരുന്നോ എന്ന ചോദ്യത്തിന്, എനിക്ക് ഇത് വിശ്വസിക്കാന്‍ കഴിയുന്നില്ല, കാരണം ഇത്തരമൊരു പ്രതികരണം ഞാന്‍ പ്രതീക്ഷിച്ചില്ല. എനിക്ക് ആകെ പറയാന്‍ കഴിയുന്നത് നന്ദിയെന്നു മാത്രമാണെന്നും താരം പറഞ്ഞു.
എന്റെ സ്വപ്നങ്ങള് എപ്പോഴും ചെറുതായിരുന്നു. നല്ല വേഷങ്ങള്‍ ചെയ്യണമെന്ന് ആഗ്രഹമുണ്ട്. എന്നാല്‍ എനിക്ക് എത്രയെണ്ണം ലഭിക്കുമെന്ന് അറിയില്ല. ഞാന്‍ ഭാഗ്യവതിയാണ്. ഇതുപോലൊന്ന് ഞാന്‍ സ്വപ്നം കണ്ടില്ല. ഇന്‍ഡസ്ട്രിയില്‍ ഭാഗമാകാത്ത എനിക്ക് പ്രേക്ഷകരില്‍ നിന്ന് ഇത്രയധികം സ്‌നേഹം സ്വീകരിക്കാന്‍ പാടില്ലായിരുന്നു എന്നുവരെ എനിക്ക് തോന്നി.
ഇത്രയധികം ആളുകള്‍ സിനിമ കണ്ടു എന്നത് എന്നെ ശരിക്കും സ്പര്‍ശിച്ചു. ഞങ്ങളുടെ സ്വപ്നങ്ങള് യാഥാര്‍ത്ഥ്യമായെന്ന് ഞാന്‍ കരുതുന്നു. ഈ സിനിമ ചെയ്യാന്‍ തുടങ്ങിയപ്പോള്‍ തന്നെ പെണ്‍കുട്ടികള്‍ക്കിടയില്‍ ബോധവല്‍ക്കരണം നടത്തണമെന്ന ചിന്ത ഉണ്ടായിരുന്നു. ഇത്രയധികം ആളുകള്‍ ഇപ്പോള്‍ ഇത് കാണുന്നതില്‍ എനിക്ക് സന്തോഷമുണ്ട്. യഥാര്‍ത്ഥ കഥ എന്താണെന്നും ഇന്ന് എന്താണ് സംഭവിക്കുന്നതെന്നും അത് മറച്ചുവെച്ചിരിക്കുകയാണെന്നും അവര്‍ക്കറിയാമെന്നും ആദ കൂട്ടിച്ചേര്‍ത്തു.
ഒരു അഭിനയത്രി എന്ന നിലയില്‍, നമ്മുടെ സിനിമകള്‍ എല്ലാവരും കാണണമെന്നാണ് നാം ആഗ്രഹിക്കുക. ‘ഓം ശാന്തി ഓം’ എന്ന ചിത്രത്തിലെ ഷാരൂഖ് ഖാന്റെ കഥാപാത്രം പോലെ ഒരു അവസരം കിട്ടാന്‍ ഈ ജന്മത്തില്‍ സാധിക്കുമൊ എന്ന് സംശയമായിരുന്നു. എന്നാല്‍ ഇന്ന് എനിക്ക് ആ സ്വീകാര്യത ലഭിച്ചു. ഈ അവസരം ലഭിച്ചതില്‍ സന്തോഷമുണ്ട്. ജനം സിനിമ കാണുകയും വളരെയധികം അഭിനന്ദനം നല്‍കുകയും ചെയ്യുന്നതില്‍ ഒരുപാട് നന്ദിയെന്നും അവര്‍ പറഞ്ഞു.
തന്റെ ചിത്രത്തിന് ജനങ്ങളില്‍ നിന്ന് ലഭിച്ച ഊഷ്മളമായ സ്വീകരണത്തിന് നന്ദി പറഞ്ഞുകൊണ്ടാണ് താരം അവസാനിപ്പിച്ചത്. ‘ഒരു അഭിനയത്രി എന്ന നിലയില്‍, നിങ്ങളുടെ ജോലി ആളുകള്‍ കാണണമെന്ന് നിങ്ങള്‍ എപ്പോഴും ആഗ്രഹിക്കുന്നു. എനിക്ക് അങ്ങനെയൊരു അവസരം ലഭിച്ചതില്‍ സന്തോഷമുണ്ട്. ‘ഓം ശാന്തി ഓം’ എന്ന ചിത്രത്തിലെ ഷാരൂഖ് ഖാന്റെ കഥാപാത്രം പോലെ ഇങ്ങനെയൊരു അവസരം ലഭിക്കണമെങ്കില്‍ പുനര്‍ജനിക്കേണ്ടതുണ്ടോ എന്ന് ഞാന്‍ ചിന്തിച്ചിരുന്നു. പക്ഷേ എനിക്ക് ഇത് ലഭിച്ചു, ആളുകള്‍ സിനിമ കാണുകയും വളരെയധികം അഭിനന്ദനം നല്‍കുകയും ചെയ്യുന്നതില്‍ എനിക്ക് സന്തോഷമുണ്ട്, ‘അവര്‍ പറഞ്ഞു. 2023 മെയ് അഞ്ചിനാണ് പുറത്തിറങ്ങിയ ‘ദി കേരള സ്റ്റോറി’ ഇന്ന് 100 കോടി ക്ലബ്ബില്‍ പ്രവേശിച്ച് ബോക്‌സ് ഓഫീസില്‍ ബ്ലോക്ക്ബസ്റ്ററായി മാറി.
പ്രതികരിക്കാൻ ഇവിടെ എഴുതുക: